'सगळीकडे बोंबाबोंब' सिनेमातल्या 'त्या' गाण्यात अशोक सराफ इतके ताठ होऊन का नाचत होते? वर्षा यांनी सांगितलं खरं कारण

मराठी सिनेसृष्टीतील ज्येष्ठ अभिनेते अशोक सराफ यांनी आपल्या अभिनयाने एक काळ गाजवला. आजही हा बहुरूपी नट अनेक मालिका आणि चित्रपटांमधून प्रेक्षकांच्या भेटीसाठी येत असतो. विनोदी व्यक्तिरेखा असेल किंवा गंभीर कोणत्याही भूमिकेत मामा चपखल बसतात. त्यांनी नायकासोबतच खलनायकाची भूमिकाही तितक्याच ताकदीने निभावलीये. त्यांनी आणि अभिनेत्री वर्षा उसगावकर यांनी अनेक चित्रपटात एकत्र काम केलं. त्यातील एक चित्रपट म्हणजे 'सगळीकडे बोंबाबोंब'. या चित्रपटातील 'ना सांगताच आज हे कळे मला' हे गाणं प्रचंड गाजलं. मात्र या गाण्यात अशोक सराफ अगदी ताठ होऊन डान्स करत होते. वर्षा यांनी त्यामागचं कारण सांगितलंय.