Bhau Kadam: छोट्या पडद्यावरील चला हवा येऊ द्या (Chala Hawa Yeu Dya) या कार्यक्रमामुळे घराघरात पोहोचलेले अभिनेते भाऊ कदम (Bhau Kadam) हे त्यांच्या विनोदी शैलीनं प्रेक्षकांचे मनोरंजन करतात. भाऊ कदम यांनी अनेक हिट चित्रपटांमध्ये काम केलं आहे. त्यांच्या कॉमेडी स्टाईलला प्रेक्षकांची पसंती मिळते. आता नुकताच भाऊ कदम यांचा एक खास व्हिडीओ सोशल मीडियावर व्हायरल झाला आहे. हा व्हिडीओ भाऊ कदम यांची लेक मृण्मयी कदमनं (Mrunmayee Kadam) शेअर केला आहे. या व्हिडीओमध्ये मृण्मयी ही भाऊ कदम यांना एक खास भेटवस्तू देताना दिसत आहे.
भाऊ कदम यांची लेक मृण्मयी ही युट्यूबर आणि सोशल मीडिया इन्फ्लुएंसर आहे. मृण्मयी सोशल मीडियावर नुकताच एक खास व्हिडीओ शेअर केला आहे. ज्यामध्ये मृण्मयी ही तिचे वडील भाऊ कदम यांना एक खास गिफ्ट देताना दिसत आहे. मृण्मयीनं भाऊ कदम यांना एक शूज गिफ्ट म्हणून दिला. या गिफ्टचा व्हिडीओ शेअर करुन मृण्मयीनं कॅप्शनमध्ये लिहिलं, "आज मी तुमच्यामुळे येथे आहे आणि मी खरोखरच कृतज्ञ आहे. मला आशा आहे की, तुम्हाला माझा अभिमान आहे आणि मला माहित आहे की तुम्ही कायाम माझ्या आहात."
पुढे मृण्मयीनं कॅप्शनमध्ये लिहिलं, "मला नेहमी माझ्या पहिल्या पगारातून तुमच्यासाठी काहीतरी गिफ्ट घ्यायचं होतं, तुम्हाला गिफ्ट देण्यासाठी मी थोडी बचत केली आता, तुम्हाला आयुष्यात जे हवं ते विकत घ्यायला तुमची मुलगी आली आहे!!! मी तुम्हाला गिफ्ट्स देणे कधीच थांबवणार नाही. जरी तुम्ही मला भेटवस्तू विकत घेतल्याबद्दल फटकारलं. तरी मी तुम्हाला गिफ्ट देईल. पण मी तुमच्यावर प्रेम करते." मृण्मयीच्या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.
मृण्मयी ही सोशल मीडियावर सक्रिय असते. मृण्मयीच्या युट्यूब चॅनलला 74.7K फॉलोवर्स आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
