Deepika Padukone Maternity Dress Sold: बॉलिवूडमधील प्रसिद्ध अभिनेत्री दीपिका पादुकोण (Deepika Padukone) ही सध्या तिच्या प्रेग्नन्सीमुळे चर्चेत आहे. दीपिका लवकरच आई होणार आहे. काही दिवसांपूर्वी दीपिका आणि रणवीर सिंह (Ranveer Singh) यांनी सोशल मीडियावरुन ही गुडन्यूज चाहत्यांना दिली होती. प्रेग्नन्सीबाबत पोस्ट शेअर केल्यानंतर दीपिका विविध ठिकाणी स्पॉट झाली. काही दिवसांपूर्वी दीपिकानं एका इव्हेंटमध्ये हजेरी लावली. यावेळी दीपिकानं पिवळ्या रंगाचा ड्रेस परिधान केला होता. आता दीपिकाच्या या ड्रेसचा लिलाव करण्यात आला आहे.
शुक्रवारी दीपिकानं 82°E नावाच्या ब्यूटी ब्रँडच्या एका इव्हेंटमध्ये हजेरी लावली. या इव्हेंटसाठी दीपिकानं खास लूक केला. दीपिकानं पिवळ्या रंगाचा ड्रेस परिधान केला होता, तिच्या या ड्रेसनं अनेकांचे लक्ष वेधले. दीपिकाचा हा ड्रेस 'फ्रेश ऑफ द रॅक' या उपक्रमाच्या अंतर्गत चॅरिटीसाठी लिलावात ठेवण्यात आला होता. आता इव्हेंटनंतर 72 तासांनी दीपिकाच्या या ड्रेसचा लिलाव झाला आहे.
दीपिका पदुकोणचा हा ड्रेस 34 हजार रुपयांना विकला गेला आहे. दीपिका या ड्रेसचे पैसे चॅरिटीला दान करणार आहे.
दीपिकाचा फायटर हा चित्रपट काही महिन्यांपूर्वी रिलीज झाला होता. या चित्रपटानंतर आता दीपिका सिंघम अगेन या चित्रपटातून प्रेक्षकांच्या भेटीला येणार आहे. हा चित्रपट 15 ऑगस्ट रोजी रिलीज होणार आहे. तसेच दीपिका कल्कि 2898AD या चित्रपटात देखील काम करणार आहे. या चित्रपटात दीपिका आणि प्रभास हे दोघे स्क्रिन शेअर करणार आहेत. दीपिकाच्या आगामी चित्रपटांची प्रेक्षक उत्सुकतेने वाट बघत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
