Devara Fear Song: 'देवरा' चित्रपटातील पहिलं गाणं रिलीज; फिअर साँगमध्ये दिसला ज्युनिअर एनटीआरचा स्वॅग

Devara First Song: दाक्षिणात्य चित्रपटसृष्टीतील प्रसिद्ध अभिनेता ज्युनियर एनटीआरच्या (Jr NTR) 'देवारा' (Devara) या चित्रपटाची प्रेक्षक उत्सुकतेने वाट बघत आहेत. या चित्रपटात अभिनेत्री जान्हवी कपूर देखील काम करणार आहे. या चित्रपटातील पहिले गाणं काल (19 मे) ज्युनियर एनटीआरच्या वाढदिवसानिमित्त रिलीज करण्यात आले आहे. या गाण्यातील ज्युनियर एनटीआरच्या लूकनं आणि त्याच्या स्वॅगनं अनेकांचे लक्ष वेधले आहे.

देवरा चित्रपटातील 'फिअर' नावाचे गाणे रिलीज झाले आहे. हे गाणं जवान संगीत दिग्दर्शक अनिरुद्ध रविचंदर यांनी संगीतबद्ध केले आहे. गाण्याचे गीतकार रामजोगय्या शास्त्री यांचे आहेत आणि अनिरुद्धने हे गाणे गायले आहे. गाण्यामध्ये चित्रपटातील ज्युनियर एनटीआरच्या पात्राची ओळख करून दिली आहे. या व्हिडीओमध्ये ज्युनियर एनटीआरचे काही अॅक्शन सीन्स दाखवण्यात आले आहेत.

करण जोहरने इंस्टाग्रामवर गाणे शेअर करुन लिहिलं, "सेलिब्रेट करण्यासाठी लाटा पूर्ण ताकदीने आल्या आहेत! फिअर साँग रिलीज झालं आहे."

कधी रिलीज होणार देवरा?

देवरा या चित्रपटातून जान्हवी कपूर तेलुगू सिनेसृष्टीत पदार्पण करणार आहे. काही महिन्यांपूर्वी, जान्हवी कपूरने तिच्या इंस्टाग्राम प्रोफाइलवर देवरा चित्रपटाच्या शूटमधील एक BTS फोटो शेअर केला होता.देवरा या चित्रपटात प्रकाश राज, श्रीकांत मेका, टॉम शाइन चाको आणि सैफ अली खान यांच्या भूमिका देखील आहेत. हा चित्रपट 10 ऑक्टोबर 2024 रोजी सिनेमागृहात रिलीज होणार आहे. प्रेक्षक या चित्रपटाची उत्सुकतेने वाट बघत आहेत.