छोट्या पडद्यावर अनेक मालिका लोकप्रिय ठरतात. या मालिका प्रेक्षकांच्या पसंतीस उतरतात. मराठी मालिकांप्रमाणे हिंदी मालिकाही मराठी प्रेक्षकांची मनं जिंकताना दिसतात. त्यातील एक मालिका म्हणजे 'ये रिश्ता क्या कहलता हैं'. ही मालिका टीआरपी यादीत टॉप ५ मध्ये असते. या मालिकेतील एक अभिनेत्री सध्या सोशल मीडियावर प्रचंड चर्चेत आहे. त्याचं कारण आहे तिचा एक व्हिडिओ. कॅमेरावर कडक सासू बनून प्रेक्षकांची वाहवा मिळवणाऱ्या या अभिनेत्रीने आता खऱ्या आयुष्यात कतरिना- दीपिकाला देखील मागे सोडलं आहे. तिचा व्यायाम करतानाचा एक व्हिडिओ सोशल मीडियावर प्रचंड व्हायरल होतोय.
ही अभिनेत्री आहे अनिता राज. अनिता यांनी १९८१ च्या 'प्रेम गीत' या चित्रपटातून बॉलिवूड डेब्यू केला होता. त्यानंतर त्यांनी अनेक हिट चित्रपट केले. एक मोठा ब्रेक घेतल्यावर २००७ मध्ये त्या पुन्हा चित्रपट आणि मालिकांमध्ये काम करू लागल्या. अनिता सोशल मीडियावर सक्रीय असतात. त्यांचे सोशल मीडियावर जास्त फॉलोवर्स नसले तरी त्या फिटनेसचे व्हिडिओ चाहत्यांसोबत शेअर करत असतात. त्या प्रचंड फिटनेस फ्रिक आहेत. त्या व्हिडिओमध्ये असे असे स्टंट करताना दिसतात जे पाहून सगळ्यांच्या भुवया उंचावतात. आताही त्यांचा एक व्यायाम करतानाचा व्हिडिओ व्हायरल होतोय ज्यात त्या चक्क १०० किलोचे डम्बल उचलताना दिसतायत.
त्यांचा हा व्हिडिओ पाहून चाहत्यांसोबतच इतर कलाकारही चकीत झाले आहेत. त्यांचं वय ६२ वर्ष आहे. तर त्यांच्या वयाच्या मानाने एवढं वजन खूप जास्त आहे असं चाहत्यांचं म्हणणं आहे. मात्र त्यांच्या या कामगिरीने चाहते चकीत झाले आहेत. नेटकरी त्यांच्यावर कौतुकाचा वर्षाव करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
