Indian Short Film Anuja Oscar Nomination : ‘अनुजा’ला ऑस्करचे निमंत्रण

नवी दिल्ली : दिल्लीत कपड्याच्या कारखान्यात बहिणीसह काम करणारी नऊ वर्षांची मुलगी, तिचे शिक्षण, आव्हाने यातून तिच्या आयुष्याची कहाणी उलगडणारा ‘अनुजा’ या भारतीय लघुपटाला ऑस्करसाठी नामांकन मिळाले आहे..यंदा दोन मार्च रोजी रंगणाऱ्या ९७ व्या ऑस्कर पुरस्कार २०२५ ची नामांकन यादी जाहीर झाली आहे. अभिनेत्री प्रियांका चोप्रा-जोनास, मिंडी कलिंग आणि निर्माती गुनीत मोंगा यांच्या ‘अनुजा’ला लाइव्ह अॅक्शन शॉर्ट’ या गटात स्थान मिळाले आहे..ऑस्करच्या नामांकनातून यादीतून ‘लापता लेडीज’ बाहेर पडल्यानंतर भारतीयांची निराशा झाली होती. पण ‘अनुजा’मुळे भारताच्या आशा जीवित आहेत. ॲडम जे. ग्रेव्हज आणि सुचित्रा मट्टई यांनी दिग्दर्शित केलेल्या या लघुपटाची स्पर्धा ‘ए लिन’, ‘आय एम नॉट ए रोबो’, ‘द लास्ट रेंजर’ आणि ‘द मॅन हू कूड नॉट रिमेन सायलेंट’ या लघुपटांशी आहे..लॉस एंजेलिसमधील जंगलाला लागलेल्या वणव्यामुळे ऑस्कर पुरस्कारांसाठीची नामांकन यादी दोनदा पुढे ढकलण्यात आली होती. आधी १७ जानेवारीला यादी जाहीर होणार होती. नंतर ती १९ जानेवारीपर्यंत पुढे ढकलली. पण त्यावेळी मुदत वाढविण्यात आली आणि गुरुवारी (ता.२३) ही यादी जाहीर झाली. विनोदी अभिनेते बोनेन यांग आणि राचेल सिनोट यांनी चित्रपटांची घोषणा केली..‘अनुजा’ ही नऊ वर्षांची मुलगी आणि तिची बहीण यांना शिक्षण आणि कारखान्यात काम यांपैकी एक पर्याय निवडायचा होतो. हा निर्णय त्या दोघींचे भवितव्य घडवितो. बाल कलाकार सजदा पठाण आणि अनन्या शानबाग या दोघी मुख्य भूमिकेत आहेत. सलाम बालक ट्रस्टने ‘अनुजा’ची निर्मिती केली आहे..नागेश भोसलेंचाही सहभागमराठी अभिनेता नागेश भोसले यांची या लघुपटात महत्त्वाची भूमिका आहे. ‘अनुजा’च्या ऑस्करवारीबद्दल भावना व्यक्त करताना ते म्हणाले, ‘‘ऑस्कर हा सर्वांत मोठा सन्मान आहे. त्यासाठी ज्या लघुपटाला नामांकन मिळाले आहे, त्याचा एक भाग असल्याचा मला अभिमान आहे. गरिबीमुळे अल्लड वयात मुलांना काम करावं लागणे, ही दुदैवी बाब आहे. अशा नाजूक विषयावर लघुपट बनवणे हे कौतुकास्पद आहे. ‘अनुजा’ ला ऑस्कर मिळेल, अशी माझी आशा आहे.’’.Amit Shah : पवारांनी शेतकऱ्यांना वाऱ्यावर सोडले; गृहमंत्री शहा, माती परीक्षण प्रयोगशाळेचे उद्घाटन.वा! २०२५ च्या ऑस्करसाठी सर्वोत्कृष्ट ‘लाइव्ह ॲक्शन शॉर्टफिल्म’साठी ‘अनुजा’ला नामांकन मिळाले. हे अविश्वसनीय आहे. या सन्मानाबद्दल ऑस्कर समितीचे आभार मानते.- प्रियांका चोप्रा-जोनास,कार्यकारी निर्मातीआयुष्याशी दररोज झगडावे लागणाऱ्या जगभरातील सुंदर मुलांचा हा सन्मान आहे. अत्यंत विषम परिस्थितीतही त्यांच्या चेहऱ्यावर हास्य फुलत असते. ‘अनुजा’वर विश्वास ठेवून त्यातील संदेश जगभरात पोहोचवल्याबद्दल आमचा चमू, भागीदार आणि प्रेक्षकांचे आम्ही आभारी आहोत.- गुनीत मोंगा, निर्माती.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Indian Short Film Anuja Oscar Nomination : ‘अनुजा’ला ऑस्करचे निमंत्रण

Related Stories

नीट जोड

डॉ. विकास दिव्यकीर्तिंनी सुचवलेल्या 'या' 5 शॉर्ट फिल्म नक्की पाहा, आयुष्यात होईल मोठा बदल

Earning Apps : फक्त Instagram आणि YouTube नाही, तर लोक 'हे' 3 ॲप वापरुन कमवत आहेत लाखो रुपये; पाहा कसं वापरायचं?