Shah Rukh Khan: बाबो! शाहरुख खानने अनंत राधिकाला लग्नात दिली 'ही' महागडी भेट; किंमत वाचून उंचावतील भुवया

मुकेश अंबानी आणि नीता अंबानी यांचा धाकटा मुलगा अनंत अंबानी याने राधिका मर्चंट हिच्याशी लग्नगाठ बांधली. हा विवाहसोहळा अत्यंत थाटामाटात पार पडला. ना भूतो ना भविष्यती असा हा सोहळा होता. १२ जुलै रोजी मुंबईतील जिओ वर्ल्ड कन्व्हेन्शन सेंटर येथे हा विवाह पार पडला. या सोहळ्यासाठी अनेक बॉलिवूड कलाकारांनी हजेरी लावली होती. लग्न, हळदी, मेहंदी, वरात, पूजा असे अनेक कार्यक्रम पार पडले. हॉलीवूडपासून अनेक बड्या नेत्यांपर्यंत सगळ्यांनी या लग्नाला झाडून हजेरी लावली होती. मात्र या नवदाम्पत्याला कुणी काय आहेर दिला हे तुम्हाला ठाऊक आहे का?

या सोहळ्यात अभिनेता सलमान खान यानेही हजेरी लावली होती. त्याने अनंत आणि राधिका यांना १५ कोटींची स्पोर्ट्स बाइक गिफ्ट केली. तर बच्चन कुटुंबीयांनी या जोडीला ३० कोटींचा एक हिऱ्यांचा हार देऊ केला आहे. दीपिका पादुकोण आणि रणवीर सिंह यांनी अनंत आणि राधिकाला २० कोटींची कस्टमाइझ रोल्स रॉयस देऊ केली. या लग्नात आलिया भट्ट आणि रणबीर कपूर यांनी ९ कोटींची मर्सिडीज कार गिफ्ट केली आहे.तर अक्षय कुमारने देखील कोविडच्या चर्चांमध्ये या लग्नाला हजेरी लावली होती. त्याने अनंतला ६० लाखांचं पेन गिफ्ट केलं आहे.

यात अभिनेता शाहरुख खान याने अनंत राधिकाला दिलेलं गिफ्ट सगळ्यात खास ठरलं आहे. शाहरुख आणि अंबानी कुटुंबियांचे संबंध अतिशय चांगले आहेत. त्याने या जोडीला सगळ्यात महागडं गिफ्ट दिलं आहे. अनंत राधिकाला शाहरुखने तब्बल ४० कोटींचं गिफ्ट दिलं आहे. त्याने या नवदाम्पत्याला ४० कोटींचं आलिशान घर भेट केलं आहे. हे घर त्याने भारतात नाही तर फ्रान्स येथे आहे. त्यामुळे ही भेट या दोघांसाठी नक्कीच खास आहे.