आपल्या नृत्य कौशल्याच्या जोरावर प्रेक्षकांना आपल्या प्रेमात पाडणारा लोकप्रिय डान्सर आशिष पाटील याने लावणीकिंग म्हणून मराठी सिनेश्रेत्रात नाव कमावलंय. त्याने मराठीतील अनेक सिनेमांमधील गाण्यांची कोरिओग्राफी केली आहे. अत्यंत कठोर परिस्थितीतून आशिष इथवर पोहोचलाय. तो अमृता खानविलकर ते सोनाली कुलकर्णी अशा अनेक अभिनेत्रींसोबत काम करताना दिसतो. अनेक कलाकारांना आपल्या तालावर नाचवणाऱ्या आशिषने आता लावणी करताना नऊवारी साडीच का नेसतात आणि डोक्यावरून पदर का घेतात यामागचं कारण सांगितलं आहे.