या वयात हे सगळं शोभतं का? ट्रोलिंगबद्दल स्पष्टच बोलली माधुरी दीक्षित; म्हणते, 'लोकांना बोलायला काय...'

आपल्या अभिनयाच्या जोरावर संपूर्ण बॉलिवूडला पायाशी यायला लावणारी लोकप्रिय अभिनेत्री माधुरी दीक्षित पुन्हा एकदा अभिनय क्षेत्रात सजग झालीये. तिने तिच्या अभिनय आणि नृत्याच्या जोरावर प्रेक्षकांना प्रेमात पाडलं. मात्र ज्या माधुरीच्या नृत्याचं कधीकाळी कौतुक केलं जात होतं. त्याच माधुरीच्या नृत्याला आज प्रेक्षक ट्रोल करत आहेत. तिला म्हातारी म्हणून हिणवू लागले आहेत. आता वयानुसार आपल्याही शरीरात बदल होणार, चेहरा बदलणार हे प्रेक्षकांच्या लक्षात येत नाही असं माधुरी म्हाणालीये. नुकत्याच दिलेल्या मुलाखतीत माधुरीने ट्रोलिंग बद्दल बोलत समाजाला आरसा दाखवलाय.