Smita Tambe: मन धागा धागा जोडते नवा मालिकेत अभिनेत्री स्मिता तांबेची एन्ट्री; साकारणार 'ही' भूमिका

Smita Tambe: छोट्या पडद्यावरील मन धागा धागा जोडते नवा (Man Dhaga Dhaga Jodte Nava) मालिकेत सार्थक-आनंदीचं नातं अतिशय नाजूक वळणावर आहे. काही दिवसांपूर्वीच दोघं लग्नाच्या बेडीत अडकले. सगळं काही सुरळीत होईल असं वाटत असतानाच आनंदीचा पहिला पती अंशुमनच्या खुनाच्या आरोपाखाली सार्थकला अटक झाली. सार्थक निर्दोष आहे हे सिद्ध करण्यासाठी आनंदी प्रयत्न करत असली तरी तिचा प्रवास वाटतो तितका सोपा नाही. सार्थकच्या विरोधात केस लढण्यासाठी निष्णात वकील नेत्रा धर्माधिकारीने कंबर कसली आहे. नेत्रा धर्माधिकारी ही भूमिका कोण साकारणार? असा प्रश्न प्रेक्षकांना पडला होता. आता या प्रश्नाचं उत्तर मिळालं आहे. नेत्रा धर्माधिकारी ही भूमिका सुप्रसिद्ध अभिनेत्री स्मिता तांबे (Smita Tambe) साकारणार आहे.

नेत्रा धर्माधिकारी नाशिकमधील नामवंत वकील आहे. अतिशय हुशार, तल्लख आणि चालाख असलेली नेत्रा आजवर एकही केस हरलेली नाही. नेत्रा केस लढणार म्हण्टल्यावर विरोधी पक्षातील वकिलांचा भीतीने थरकाप उडतो. त्यामुळे नेत्राच्या येण्याने मालिकेत नवं नाट्य घडणार आहे.

या केसमधून सार्थक निर्दोष सुटणार का? सार्थक-आनंदीच्या आयुष्यात कोणती नवी आव्हानं येणार? हे मालिकेच्या पुढील भागांमधून पाहायला मिळेल. त्यासाठी ‘मन धागा धागा जोडते नवा’ या मालिकेचा आगामी एपिसोड तुम्हाला बघावा लागेल.

'मन धागा धागा जोडते नवा'ची स्टार कास्ट

अश्विनी मुकादम,दिव्या पुगावकर,स्नेहलता माघाडे आणि पुष्कर सरड हे कलाकार 'मन धागा धागा जोडते नवा' या मालिकेत प्रमुख भूमिका साकारतात.