Manoj Bajpayee : "निवेदन नही नरसंहार.!" मनोज वाजपेयी यांच्या ‘भय्या जी’ चा धमाकेदार टीझर

Manoj Bajpayee : ‘सिर्फ एक बंदा काफी है’ हा चित्रपट कमालीचा गाजला होता. या चित्रपटातील जबरदस्त कोर्ट रूम ड्रामा प्रेक्षकांना भावला होता. आता मनोज ‘भैय्या जी’ या नवीन चित्रपटात काम करीत आहे.

नुकताच या चित्रपटाचा टीझर प्रदर्शित झाला आहे. टीझरच्या सुरुवातीस ‘भैय्या जी’ म्हणजेच मनोज बेशुद्ध होऊन पडलेला दिसत आहे आणि काही मारेकरी त्याच्याभोवती घोळका घालून उभे आहेत

मारेकरी एकमेकांकडे हत्यार देऊन मनोज शुद्धीवर यायच्या आधी त्याला जीवे मारण्यास सांगत असतात; परंतु यावेळी प्रत्येक जण त्याला मारण्यास नकार देत असतो, प्रत्येकाच्या चेहऱ्यावर भीती असते. जर तो शुद्धीवर आला तर त्यांना जिवंत ठेवणार नाही.

एकजण मनोजला मारण्यासाठी हत्यार उचलतो आणि तेव्हाच मनोज शुद्धीवर येतो. त्यावेळी सगळे मारेकरी घाबरून पळू लागतात. अपूर्व सिंह कार्की दिग्दर्शित या चित्रपटाची निर्मिती विनोद भानुशाली, कमलेश भानुशाली, समीक्षा ओसवाल, शैल ओसवाल, शबाना रझा बाजपेयी आणि विक्रम खाखर यांनी केली आहे. हा चित्रपट २४ मे २०२४ रोजी प्रदर्शित होणार आहे.