SONPARI FAME MRINAL KULKARNI REVEALED WHOLE COLLEGE USED TO TEASE HER CALLING VAHINI AFTER RUCHIR FALLS IN LOVE WITH HER |संपूर्ण कॉलेजची वहिनी म्हणून हाक आणि प्रपोज न करताच केलं लग्न ; रुचिर-मृणाल यांची भन्नाट लव्हस्टोरी

Marathi Entertainment News : मराठी इंडस्ट्रीमधील एव्हरग्रीन अभिनेत्री, दिग्दर्शिका आणि लेखिका मृणाल कुलकर्णी यांचा आज 21 जूनला वाढदिवस. मृणाल यांनी आजवर अनेक मालिका, सिनेमांमध्ये काम केलं आहे. मृणाल यांनी खूप लहान वयात रुचिर कुलकर्णी यांच्याशी लग्नगाठ बांधली. जाणून घेऊया त्यांची लव्हस्टोरी. .मृणाल कुलकर्णी यांचं माहेरचं नाव मृणाल देव. लहानपणापासूनच त्या रुचिर आणि त्यांच्या कुटूंबाला ओळखत होत्या. पण त्यांचं कधी बोलणं झालं नव्हतं.या अकरावीत असताना रुचिर यांच्याशी त्यांची पुन्हा भेट झाली. त्या कॉलेजमध्ये नवीन होत्या तर रुचिर त्यावेळी कॉलेजच्या कला मंडळाचे अध्यक्ष होते. त्यांना मृणाल पहिल्या भेटीतच आवडल्या होत्या. पण त्यांची मृणाल यांना प्रपोज करण्याची हिंमत होत नव्हती. .रुचिर यांना वाटायचं की, पुण्यात हुजूर बागेतील ही शिष्ठ मुलगी त्यांना नकार देईल. याचा नंतर त्यांना त्रास होईल. पण तोपर्यंत रुचिर यांना मृणाल आवडतात ही गोष्ट संपूर्ण कॉलेजला माहित झाली होती. सगळेजण मृणाल यांना वहिनी अशी हाक मारायला लागले होते. तर मृणाल यांनाही रुचिर आवडायचे पण त्या ते कधी प्रपोज करत आहेत याची वाट बघत होत्या. .असेच एक-दोन महिने होऊन गेले पण रुचिर मृणाल यांना प्रपोज काही करत नव्हते. शेवटी मृणालच रुचिर यांच्याजवळ गेल्या आणि तू मला काहीतरी विचारणार आहेस असं मित्र-मैत्रिणींनी सांगितलं असं म्हटलं. त्यावर रुचिरही जात्याच वकील असल्यामुळं 'काय विचारणार आहे ?' असा उलट प्रश्न त्यांनी मृणाल यांना केला. .त्यावर मृणाल म्हणाल्या की,"हे बघ तू जे काही विचारणार आहेस ते विचार किंवा नको विचारू त्याचं उत्तर हो असंच आहे. त्यामुळे माझा नवरा आज इतक्या वर्षांनी मला सतत चिडवतो की पहिली गोष्ट मी नाही तुला प्रपोज केलेलं आणि दुसरी गोष्ट अजूनही मी तुला काहीच विचारलेलं नाहीये. तू कशाला हो म्हणालीस ते तुझं तुलाच माहितीये.".त्यानंतर मृणाल आणि रुचिर यांनी 1990 मध्ये लग्न केलं. त्यावेळी मृणाल फक्त 19 वर्षांच्या होत्या. 1992 मध्ये त्यांनी त्यांचा मुलगा विराजसला जन्म दिला. त्यानंतर मृणाल यांनी अभिनयात करिअर करावं म्हणून त्यांच्या सासूने त्यांना खूप पाठींबा दिला. त्यावेळी त्यांनी विराजसचा सांभाळ केला. सासू-सासऱ्यांच्या पाठींब्यामुळेच मृणाल मराठी आणि हिंदी इंडस्ट्रीमधील एक उत्तम अभिनेत्री म्हणून नावारूपाला आल्या. .तेजश्री-सुबोधच्या नव्या मालिकेचे डिटेल्स उघड, 'या' वाहिनीवर दिसणार जोडी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

लाईव्ह न्यूज

संपूर्ण कॉलेजची वहिनी म्हणून हाक आणि प्रपोज न करताच केलं लग्न ; रुचिर-मृणाल यांची भन्नाट लव्हस्टोरी

Related Stories