"आता व्यक्त होण्याची ताकद नाही", मृणाल कुलकर्णी यांना मातृशोक ;मराठी साहित्यविश्वालाही बसला धक्का

Marathi News : अभिनेत्री मृणाल कुलकर्णी यांच्या आई आणि ज्येष्ठ लेखिका वीणा देव यांचं काल मंगळवारी 29 ऑक्टोबरला निधन झालं. गेल्या काही काळापासून त्या आजारी होत्या. निधनासमयी त्यांचं वय 75 होतं. विणा या मराठीतील सुप्रसिद्ध लेखक गो. नी. दांडेकर यांच्या कन्या होत्या..सोशल मीडियावर वीणा यांची मुलगी आणि मराठीतील दिग्गज अभिनेत्री दिग्दर्शिका मृणाल कुलकर्णी यांनी पोस्ट शेअर करत आईच्या निधनाची बातमी सगळ्यांना सांगितली. तसेच त्यांच्या भावना व्यक्त करताना त्या खूपच भावूक झाल्या. त्यांच्या पोस्टवर अनेकांनी कमेंट करत वीणा यांना श्रद्धांजली वाहिली आणि मृणाल यांना धीर दिला.."खरंतर आत्ता काही व्यक्त होण्याची ताकद नाही. आईला तिच्या कठीण काळात प्रेम देणाऱ्या, वेळी अवेळी एका फोन वर धावून येणाऱ्या सगळ्यांना मनापासून धन्यवाद.मी आणि मधुरा तुमच्यामुळे हसरा चेहरा ठेवून अवघड कामगिरी पार पाडू शकलो. आईला फुलांची प्रचंड आवड. शेवट पर्यंत ती त्याच फुलां प्रमाणे चेहऱ्यावर प्रसन्न हसू ठेवून जगली. तिची उणीव जरी भासली तरी तिने जोडलेल्या मोठ्या मित्रपरिवारा च्या रुपानी ,तिने लिहिलेल्या अनमोल कलाकृतींच्या रूपानी तिची सोबत कायम असेल. आशीर्वाद असावा!" अशी पोस्ट मृणाल यांनी शेअर करत या कठीण काळात त्यांच्या पाठीशी उभ्या राहणाऱ्या सगळ्यांचे आभार मानले..वीणा देव या पुण्यातील शाहू मंदिर महाविद्यालयात मराठी विभाग प्रमुख होत्या. गेली 32 वर्ष त्यांनी मराठी भाषेच्या अध्यापनाचं काम केलं. याबरोबरच त्यांनी मराठी साहित्य विश्वातही महत्त्वपूर्ण कामगिरी केली. त्यांच्या वडिलांचं म्हणजेच गो नी दांडेकरांचं साहित्य सगळ्यांपर्यंत पोहोचवण्याचं काम आणि त्यांच्या कथा जास्तीत जास्त लोकांपर्यंत पोहोचाव्यात म्हणून केलेले कार्यक्रम गाजले होते..वीणा यांनी त्यांचे पती विजय देव आणि मुली मृणाल आणि मधुरा यांच्याबरोबर अनेक कथा वाचनाचे कार्यक्रम केले. याबरोबरच त्यांच्या वडिलांच्या दुर्मिळ कथाही त्यांनी पुन्हा प्रकाशित केल्या होत्या. काही वर्षांपूर्वीच विजय यांचं निधन झालं. विणा यांच्या पश्चात मुलगी मृणाल आणि मधुरा तसेच नातू विराजस, जावई रुचिर असा परिवार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.