" इतकी काय घाई होती?" सहकाऱ्याच्या अकाली निधनाने मराठी संगीतकारावर कोसळला दुःखाचा डोंगर

Marathi Entertainment News : मराठी इंडस्ट्रीमधील आघाडीचे संगीतकार कौशल इनामदार यांच्या सहकारी मित्राचं अकाली निधन झालं. यामुळे त्यांच्यावर दुःखाचा डोंगर कोसळला. सोशल मीडियावर पोस्ट शेअर करत त्यांनी त्यांच्या आठवणी शेअर केल्या. .कौशल इनामदार यांचा सहकारी आणि प्रसिद्ध हार्मोनियम वादक समीर चिपळूणकर यांचं अकाली निधन झालं. यकृताच्या आजारामुळे गेले कित्येक दिवस हॉस्पिटलमध्ये भरती होते. त्यांच्या निधनाने मराठी संगीतविश्वाला धक्का बसला आहे. .कौशल इनामदार यांनी सोशल मीडियावर पोस्ट शेअर केली. या पोस्टमध्ये त्यांनी म्हटलं आहे की, "जरा थांबायचं होतंस. अजून बरीच गाणी एकत्र गायची होती. बरेच सूर एकत्र उधळायचे होते. असं अर्ध्या मैफलीतून उठून जाणं, तेही गाणं सुरू असताना... इतकी कसली घाई होती?पहिल्यांदा तू घरी आलास त्याला आता २७-२८ वर्षं लोटली. बाळ साठेंकडे शिकत होतास तू तेव्हा. हार्मोनियमवर ‘ससा तो ससा’ हे गाणं त्याच्या अरेंजमेन्टसकट इतकं सफाईदारपणे वाजवलंस, तेव्हा पेटीवर फिरणारी तुझी बोटं दिसेनाशी झाली आणि आम्ही आमची बोटं तोंडात घातली."."माझं एखादं गाणं करताना तू ते माझ्याही विचाराच्या पलीकडे घेऊन जायचास. मग ते ‘चाफ्याचं शिंपण’ असो का ‘मिळे सागराला नदी पावसाळी’ असो... बालगंधर्व चित्रपटातलं ‘नाही मी बोलत नाथा’ असो का ‘नमन नटवरा’ असो... ‘तीन अडकून सिताराम’ मधलं ‘पिकासो’ असो वा ‘गंध गंध आसमंत’ हे आपलं वर्षानुवर्षं चालू असलेलं गाणं असो... माझं गाणं तुझ्या हातात दिलं की त्याचं सोनंच व्हायचं."."रात्री जागून केलेली गाणी, उत्तम सुचलं म्हणून घेतलेली कॉफी, सुचलं नाही म्हणून घेतलेली कॉफी... रोहितच्या स्टुडिओत केलेलं सोनाली कर्णिकच्या अल्बमचं काम... माझ्या स्टुडिओत केलेली नाटकाची, चित्रपटाची, अल्बमची गाणी, रसयात्राच्या तालमी, तुझं निर्व्याज हसू... या सगळ्या गोड आठवणी होत्या, मित्रा पण तुझ्या अशा अचानक जाण्याने खारट पाणी होऊन डोळ्यात दाटून आल्या.जरा थांबला असतास, समीर. इतकी काय घाई होती?- Written as an obituary for my dear friend and fantastic musician Sameer Chiplunkar. I hope that clarifies this post enough.".'एप्रिल मे ९९'मधील ‘समर हॅालिडे’ गाणे प्रदर्शित बोमन इराणी यांची विशेष उपस्थिती .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

" इतकी काय घाई होती?" सहकाऱ्याच्या अकाली निधनाने मराठी संगीतकारावर कोसळला दुःखाचा डोंगर

Related Stories