बंगाली प्रेक्षकांना झपाटून टाकणारी सिरीज 'बिभीषण' झी5 वर २७ जूनपासून रिलीज

Entertainment News : बंगाली प्रेक्षकांना झपाटून टाकणारी मालिका 'बिभीषण' झी5 घेऊन येत आहे. राज चंदा दिग्दर्शित आणि निर्मित ही पहिली मिनी-सिरीज असून यात प्रमुख भूमिकेत सोहम मजुमदार आणि देबचंद्रिमा सिंग रॉय झळकणार आहेत. मालिका २७ जूनपासून फक्त झी5 वर पाहायला मिळणार आहे..ही कथा आहे शांत वाटणाऱ्या बिर्भूम गावातील – जिथे अचानक एका विचित्र चोरी, बेपत्ता व्यक्ती आणि डोकं नसलेल्या मृतदेहामुळे स्थानिक पोलीस ठाण्यात खळबळ माजते. या गुंतागुंतीच्या प्रकरणात गुंततो सब-इन्स्पेक्टर बिधान सेन (सोहम मजुमदार), ज्याचे वैयक्तिक जीवन आधीच ताणात आहे. तपास करताना त्याला असे अनेक धक्कादायक धागेदोरे सापडतात जे एकमेकांशी जुळतच नाहीत. जसा-जसा तपास पुढे जातो, तसा प्रेक्षकही एका अंधाराच्या कोड्यात ओढला जातो..दिग्दर्शक राज चंदा म्हणतात, "बिभीषण ही कथा हळूहळू उलगडते आणि प्रत्येक पात्राच्या चेहऱ्यामागे लपलेल्या रहस्याकडे नेते. झी5सारख्या प्लॅटफॉर्मने या कथेला द्यालेली साथ आणि कलाकारांची ताकद, हे या सिरीजचं मुख्य बलस्थान आहे." प्रेक्षकांसाठी ही मालिका रहस्य, भावना आणि अनपेक्षित वळणांनी भरलेली असेल..सोहम मजुमदार, देबचंद्रिमा सिंघा रॉय, अमित साहा, देबोप्रियो मुखर्जी, प्रदीप धर, संजीब सरकार यांच्या या सिरीजमध्ये मुख्य भूमिका असतील. राज चंदा त्यांच्या गूढ कलाकृतींसाठी प्रसिद्ध आहेत. या आधीच त्यांचा चंद्रबिंदू हा सिनेमाही गाजला होता. त्याच्या अगदी विरुद्ध विषयावर ही सिरीज आधारित असणार आहे. .ही मालिका राजा चंदा आणि प्रमीत ए घोष यांनी लिहिली आहे, तर एमडी कलाम यांनी या वेबसिरीजचे संकलन केलं आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.