सलमानच्या एका चुकीमुळे अशोक सराफ यांचा जीव गेला असता, गळ्यावर ठेवला चाकू अन् ; "खोल जखम.."

पद्मश्री पुरस्कार प्राप्त अभिनेते अशोक सराफ यांनी बॉलिवूडमध्येही नाव कमावलं.'जागृती' या हिंदी सिनेमाच्या शूटिंगदरम्यान सलमान खानच्या एका चुकीमुळे त्यांचा जीव धोक्यात आला होता.या प्रसंगाची आठवण त्यांनी नुकत्याच दिलेल्या रेडिओ मुलाखतीत शेअर केली..Bollywood News : मराठी पद्मश्री विजेते अभिनेते अशोक सराफ यांना फक्त मराठीतच नाही तर बॉलिवूडमध्येही त्यांच्या अभिनयासाठी ओळखलं जातं. अशोक सराफ यांनी बॉलिवूड आणि हिंदी टीव्ही इंडस्ट्रीमध्येही उत्तम प्रोजेक्ट्समध्ये काम केलं आहे. त्यांच्या कॉमेडी सेन्सचे चाहते बॉलिवूडमध्येही पाहायला मिळतात. नुकत्याच दिलेल्या मुलाखतीत त्यांनी एका सीनच्या शूटिंगदरम्यान सलमान खानच्या एका चुकीमुळे त्यांचा जीव गेला असता पण ते थोडक्यात वाचले अशी आठवण सांगितली. .अशोक सराफ यांनी रेडिओ नशाला नुकतीच मुलाखत दिली. यावेळी त्यांनी जागृती सिनेमाचा किस्सा सांगितला. या सिनेमात त्यांनी निगेटिव्ह भूमिका साकारली होती. या सिनेमाच्या सीनदरम्यान एक अशी गोष्ट घडली ज्यामुळे अशोक सराफ यांचा जीव जाऊ शकला असता. .या सिनेमाच्या एका सीनदरम्यान सलमानला अशोक सराफ यांच्या मानेवर चाकू ठेवायचा होता आणि त्यांना घट्ट पकडून ठेवायचं होतं. पण सलमानला हे माहित नव्हतं की हा चाकू खरा आहे. याविषयीची आठवण सांगताना ते म्हणाले,"त्याने माझ्या मानेवर चाकू घट्ट धरून ठेवला होता आणि तो चाकू घट्ट होता. त्याचं जे टोक होतं ते माझ्या मानेला लागलं. जसं मी संवाद म्हणायला सुरुवात केली तसं मी त्याच्या हातातून सुटण्याचा प्रयत्न केला. पण सलमानने मला घट्ट पकडून ठेवला होतं. तेव्हा मी त्याला सांगितलं की मला चाकू अलगद धर मला तो मानेला लागतो आहे. "."असं होऊनही शूटिंग सुरु राहील. मी सलमानला चाकू नीट कसा पकडावा हे शिकवण्याचा प्रयत्न केला पण कॅमेऱ्यामुळे ते शक्य नव्हतं. सलमानने मला विचारलं की मी कसा पकडू तेव्हा मी त्याला उलटा धरायला सांगितला पण कॅमेरा अगदीच आमच्यासमोर होता आणि त्यात स्पष्टपणे दिसेल की चाकू उलटा धरला आहे. तेव्हा मी त्याला म्हटलं राहू दे आणि आम्ही तसाच सीन पूर्ण केला."."त्यानंतर जेव्हा मी पाहिलं तेव्हा दिसलं की माझ्या मानेवर खोल जखम झाली होती. जर तिकडेच चुकून माझी नस कापली गेली असती तर कदाचित तिथेच मी गेलो असतो. मला माहित नाही सलमानला हे लक्षात असेल की नाही. असे लोक कुणालाच लक्षात राही पण मी कधी विसरणार नाही. ".1992 साली रिलीज झालेल्या जागृती या सिनेमात सलमानबरोबर करिष्मा कपूर, प्रेम चोप्रा, पंकज धीर आणि शिवा रंदानी यांच्या मुख्य भूमिका होत्या. त्यानंतर सलमानबरोबर अशोक यांनी बंधन, करण अर्जुन आणि प्यार किया तो डरना क्या या सिनेमांमध्येही काम केलं होतं. .अशोक सराफ यांचा कोणत्या सिनेमात जीव धोक्यात आला होता?.‘जागृती’ या हिंदी सिनेमाच्या शूटिंगदरम्यान..नेमकं काय घडलं होतं त्या सीनमध्ये?.एका अॅक्शन सीनदरम्यान सलमान खानकडून एक चूक झाली होती, ज्यामुळे अपघात होऊ शकला असता..अशोक सराफ यांनी या सिनेमात कोणती भूमिका केली होती?.त्यांनी ‘जागृती’ सिनेमात निगेटिव्ह भूमिका साकारली होती..हा प्रसंग त्यांनी कुठे शेअर केला?.‘रेडिओ नशा’ या कार्यक्रमातील एका मुलाखतीत..अशोक सराफ यांचा अभिनय कोणकोणत्या भाषांमध्ये आहे?.त्यांनी मराठी, हिंदी आणि भोजपुरी चित्रपटांमध्ये काम केलं आहे..Vidhu Vinod Chopra: यशानंतर कलाकारांचा निरागसपणा हरवतो; विधू विनोद चोप्रा.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

सलमानच्या एका चुकीमुळे अशोक सराफ यांचा जीव गेला असता, गळ्यावर ठेवला चाकू अन् ; "खोल जखम.."

Related Stories