बॉलीवूडचा सुपरस्टार सलमान खान लवकरच ‘सिकंदर’ या चित्रपटातून प्रेक्षकांच्या भेटीला येत आहे. हा चित्रपट ३० मार्च रोजी प्रदर्शित होणार आहे. या चित्रपटात सलमानसोबत रश्मिका मंदाना, काजल अगरवाल, सत्यराज आणि शर्मन जोशीदेखील आहेत. या चित्रपटाचे दिग्दर्शन ए. आर. मुरुगदास यांनी केले असून, साजिद नाडियाडवाला आणि सलमान खाननेच निर्मिती केली आहे. ॲक्शन आणि भावनांचा अनोखा संगम असलेल्या या चित्रपटाबद्दल प्रेक्षकांमध्ये प्रचंड उत्सुकता आहे. नेहमीप्रमाणेच आपल्या स्पष्टवक्तेपणासाठी ओळखला जाणारा सलमान या वेळी बॉलीवूड आणि साऊथ चित्रपटातील फरक तसेच पॅन-इंडिया चित्रपटाच्या भविष्यासंदर्भात मोकळेपणाने बोलला. त्यानिमित्ताने त्याच्याशी साधलेला संवाद!