सबस्क्राईब करा
'बिग बॉस हिंदी सीजन 16' मधून अब्दु रोझीक घराघरात पोहोचला. मूळच्या तजाकीस्तानच्या असलेल्या या क्युट स्पर्धकाने अल्पावधीतच सगळ्यांची मनं जिंकली. अवघ्या 20 व्या वर्षी अब्दुने जगभरात ओळख मिळवली. त्याची गायकी आणि मोहक व्यक्तिमत्त्वाने सगळ्यांनाच भुरळ घातली आहे.
नुकत्याच एका मीडिया रिपोर्टनुसार अब्दु लवकरच लग्नबंधनात अडकणार आहे. 7 जूनला अब्दुचं लग्न होणार असल्याची चर्चा आहे.
ई टाईम्स ने दिलेल्या माहितीनुसार, अब्दु 7 तारखेला लग्नबंधनात अडकणार असून त्याचं लग्न थाटात पार पडणार आहे. त्याची होणारी बायको शारजामधील राहणारी असून तिचं नाव अमिरा असं आहे.
याबाबत अब्दुने अजून स्वतःहून कोणतीही अधिक माहिती दिली नसली तरीही त्याचे फॅन्स त्याच्या लग्नाविषयी जाणून घेण्यास खूप उत्सुक आहेत.
ई- टाइम्सला दिलेल्या मुलाखतीमध्ये अब्दु म्हणाला की, " प्रेमाशिवाय मौल्यवान काहीच नसतं अस मला वाटतं. मी माझ्या आयुष्याच्या या नव्या प्रवासाला सुरू करण्यास उत्सुक आहे. माझ्यासाठी माझं दैनंदिन जीवन जगणं खूप कठीण आहे. आणि त्यात स्वतःसाठी प्रेम शोधणं हे माझ्यासाठी खूप मोठं आव्हान होतं पण देवाच्या कृपेने मला आमिरा मिळाली आणि मी जसा आहे तसाच तिला पसंत आहे. तिचं माझ्यावर खूप प्रेम आहे."
7 जूनला अब्दु कुठे लग्न करणार ? या लग्नाला त्याचा मंडळी ग्रुप उपस्थित राहणार का? याबाबत कोणतीही बातमी समोर आली नाहीये. याशिवाय लग्नाविषयीचे अधिकचे डिटेल्स अब्दुने अजून मिडियासोबत शेअर केले नाहीयेत.
अब्दुने भारतात त्याचा बर्गरचा बिझनेस सुरू केला असून सोशल मिडियावर अजूनही त्याची क्रेझ पाहायला मिळतेय. शिवाय अब्दु काही नवीन प्रोजेक्टसमधून प्रेक्षकांच्या भेटीस येणार असल्याची चर्चा आहे. तर 2023 या वर्षात अब्दुने अनेक प्रोजेक्टसमध्ये काम केलं होतं. 'बिग बॉस ओटीटी सीजन 2' मध्ये तो सहभागी झाला होता. तर झी टीव्हीवरील 'प्यार का दुसरा नाम राधा मोहन' या मालिकेतही त्याने काम केलं होतं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.