स्टार प्रवाहची 'सुना येती घरा' आहे 'या' हिंदी मालिकेचा रिमेक; तिथेही मराठी अभिनेत्रीच साकारतेय व्हिलन, नेटकऱ्यांनीच सांगितलं नाव

छोट्या पडद्यावर पुन्हा एकदा काही नवीन मालिका प्रेक्षकांच्या भेटीला येतायत. तर काही जुन्या मालिका प्रेक्षकांचा निरोप घेतायत. स्टार प्रवाहनेदेखील अशाच एका मालिकेची घोषणा केलीये. या मालिकेचा प्रोमो सध्या सोशल मीडियावर जोरदार व्हायरल होतोय. नात्यांचं महत्व सांगणारी ही मालिका लवकरच प्रेक्षकांच्या भेटीला येणार आहे. मात्र ही मालिकादेखील ओरिजिनल नाहीये. स्टार प्रवाहची नवी मालिका 'सुना येती घरा' एका हिंदी मालिकेचा रिमेक आहे. महत्वाचं म्हणजे ती मालिकादेखील एका तामिळ मालिकेची रिमेक आहे.