जीम नाही मग वनिता खरातने कसं कमी केलं २९ किलो वजन? वेट लॉस जर्नी सांगत म्हणाली- साधा जिना चढताना दम लागायचा...

'महाराष्ट्राची हास्यजत्रा' मधून घराघरात पोहोचलेली लोकप्रिय अभिनेत्री वनिता खरात सध्या सोशल मीडियावर चर्चेत आहे. गेल्या काही महिन्यात तिच्यात प्रचंड बदल झालाय. तिने ८ महिन्यात तब्बल २९ किलो वजन कमी केलंय. तिने केलेलं हे ट्रान्सफॉर्मेशन पाहून अनेकांनी तोंडात बोटं घातलीयेत. ती अनेकदा तिचे व्यायामाचे व्हिडिओ शेअर करताना दिसते. मात्र तिने हा बदल कोणतीही जीम न लावता केलाय. त्यामुळे चाहत्यांना धक्काच बसलाय. नुकत्याच दिलेल्या मुलाखतीत वनिताने तिच्या या प्रवासाबद्दल सांगितलंय.