मराठी सिनेसृष्टीतील हरहुन्नरी अभिनेते भरत जाधव यांनी आपल्या अभिनयाने प्रेक्षकांना आपलंसं केलं. विनोदी भूमिका असो किंवा गंभीर त्यांचा अभिनय कायमच टॉपचा असतो. चित्रपटांसोबतच ते अनेक नाटकांमध्ये प्रेक्षकांचं मनोरंजन करताना दिसतायत. त्यांची अनेक नाटकं रंगभूमीवर हिट ठरली. त्यातील एक नाटक म्हणजे मोरूची मावशी. दिवंगत अभिनेते विजय चव्हाण यांच्या अभिनयाने सजलेलं हे नाटक त्यांच्या पश्चात भरत यांनी पुढे नेलं. आता त्यांनी एका मुलाखतीत विजू मामांबद्दलचं प्रेम आणि कृतज्ञता व्यक्त केलीये.