छोट्या पडद्यावरील लोकप्रिय मालिका 'नवरी मिळे हिटलरला' लवकरच प्रेक्षकांचा निरोप घेणार आहे. झी मराठीवरील सर्वाधिक लोकप्रिय ठरलेल्या मालिकांपैकी एक म्हणजे 'नवरी मिळे हिटलरला'. मालिकेची वेळ बदलली आणि त्याचा थेट परिणाम मालिकेच्या टीआरपीवर झाला. टीआरपी कमी झाल्याने वाहिनीने ही मालिका बंद करण्याचा निर्णय घेतलाय. काहीच दिवसात ही मालिका बंद होणार आहे आणि सध्या या मालिकेच्या शेवटच्या भागांचं शूटिंग सुरू आहे. आता मालिकेचा शेवट नक्की कसा होणार याकडे प्रेक्षकांचं लक्ष लागलंय. त्याबद्दल अंतराने एक हिंट दिलीये.