Premium|Study Room : २०२२ मध्ये पीएसआयच्या परीक्षेत महाराष्ट्रात प्रथम क्रमांक मिळवणाऱ्या अमोल घुटुकडे यांची मुलाखत!

अमोल घुटुकडे (PSI-२०२२)
(मुलाखतीत प्रथम - २८ गुण)
मुलाखतीची वेळ : ८ मिनिटे
पॅनेल : देवानंद शिंदे सर, मेंबर १ : IPS सर

अमोल घुटुकडे : आत येऊ सर?
शिंदे सर : या, टोकन दाखवा लांबून आणि येऊन नंबर सांगा.
अमोल घुटुकडे : (टोकन नंबर दाखवला आणि सांगितला) बसू का सर?

प्रश्न : बसा, नाश्ता केला का? काय खाल्लं?
उत्तर : हो सर, उडीद वडा खाल्ला.

प्रश्न : छान, आम्हाला तुमची काळजी आहे. १ वाजता आलेत. मुलांना विचारावं लागतं नाश्ता केलात का म्हणून.
उत्तर : होय सर.

प्रश्न : (Profile दाखवून) यामधील फोटो तुमचाच आहे का? फोटोमध्ये वेगळे दिसताय, आता केस असे का कापलेत?
उत्तर : पोलीस Dept. हे एक शिस्तप्रिय Dept. आहे. एक शिस्तप्रिय look दिसण्यासाठी अशा प्रकारे केस कापलेत.

प्रश्न : सध्या कोणत्या post वर आहात का?
उत्तर : नाही सर.

प्रश्न : आता Clerk च्या एवढ्या जागा आहेत, त्यामध्ये झालंय का तुमचं? एवढे दिवस काय करताय?
उत्तर : Clerk साठी नाहीये. आत्तापर्यंत मी स्पर्धा परीक्षेचा अभ्यास करत आहे.

प्रश्न : घरी कोण कोण असतं? शेती किती आहे? वडील आणि आई काय करतात?
उत्तर : वडील शेती करतात आणि शेळीपालन करतात. आई त्यांना मदत करते. शेती २ एकर आहे. एक भाऊ आणि एक बहीण आहे.

प्रश्न : घरची परिस्थिती नाही, तर मग जॉब करायचा ना?
उत्तर : सर, मी २०१८ ला Degree pass out झाल्यापासून एक वर्ष जॉब केला. परंतु त्या क्षेत्रात समाधान नसल्यामुळे मी स्पर्धा परीक्षेत यश मिळवण्यासाठी ठरवून आलो.

प्रश्न : Degree कशामध्ये झाली?
उत्तर : BE Electronics & Telecommunication

प्रश्न : Physical ला किती मार्क आहेत?
उत्तर : ९७.५ सर

प्रश्न : खूपच छान मार्क घेतले. (Very Good) (IPS सरांकडे बघून म्हणाले, ‘सर पहा, Candidate खूपच fit दिसतोय.’)
उत्तर : Thank you Sir!

प्रश्न : Lead किती?
उत्तर : Open ४१.५, Category - ५५.५

प्रश्न : तुम्ही कोणत्या जिल्ह्यामधून आलात?
उत्तर : सातारा

प्रश्न : मी तुम्हाला जिल्हा सोडून वेगळे प्रश्न विचारतो. सांगा, दादाभाई नौरोजी यांचे टोपण नाव काय आहे?
उत्तर : (मला आठवलं नाही) Sorry Sir, मी वाचलेय पण मला आठवत नाही.

प्रश्न : त्यांची राजकीय कामगिरी सांगा.
उत्तर : १८८६ ला राष्ट्रीय काँग्रेसचे अध्यक्ष होते. त्यांनी दारिद्र्यावर पण काम केले आहे. जनतेच्या मागण्या सरकारपर्यंत पोहोचवण्याचे सनदशीर कार्य केले.

प्रश्न : थांबा आता.. बाळ गंगाधर टिळक यांचे टोपण नाव सांगा.
उत्तर : लोकमान्य

प्रश्न : मुख्यमंत्र्यांनी एक योजना आणली आहे, तीर्थक्षेत्र दर्शनाची. ती कोणासाठी आणि वय काय?
उत्तर : (मी वय ६१ पासून पुढील लोकांसाठी आहे असे सांगितले आणि कोणासाठी हे सांगताना मी म्हटलं, वृद्ध लोकांसाठी.)

प्रश्न : म्हणजे तुम्ही प्रशासनामध्ये गेल्यावर आम्हाला वृद्ध समजणार काय?
उत्तर : Sorry Sir, मला आठवत नाही.

प्रश्न : अहो, ज्येष्ठ नागरिक असं आहे ना ते.
उत्तर : हो सर, असंच आहे.