यंदाच्या केंद्रीय अर्थसंकल्पात कृषी आणि शेतकरी कल्याण मंत्रालयासाठी किती तरतूद करण्यात आली आहे. याचे विश्लेषण, तसेच कृषी क्षेत्रातील काही प्रमुख मुद्द्यांवर विचार ‘एडीआर’च्या अहवालात करण्यात आला आहे. कृषी आणि शेतकरी कल्याण मंत्रालयाचे दोन विभाग आहेत : (१) शेतकरीहित साधणारी धोरणे अमलात आणणारा आणि कृषी निविष्ठांचे व्यवस्थापन करणारा कृषी आणि शेतकरी कल्याण विभाग (२) कृषी संशोधन आणि शिक्षणाचे समन्वय साधणारा आणि प्रोत्साहन देणारा कृषी संशोधन आणि शिक्षण विभाग.