स्वप्ना सानेघाम येणे ही नैसर्गिक क्रिया आहे. या क्रियेमुळे आपले शरीराचे तापमान संतुलित राहते. आता उन्हाळा सुरू झाला आहे, त्यामुळे घाम येण्याचे प्रमाणही वाढते. ‘घाम येणे’ ह्यासंदर्भात काय काळजी घेता येईल ते बघू या. .आपली त्वचा सतेज, टवटवीत, नितळ, सौम्य, बेदाग असावी असे प्रत्येकालाच वाटत असते. वयात येणाऱ्या मुलांना तर आपल्या त्वचेची आणि एकंदर स्वतःच्या लुक्सची जास्तच काळजी असते. एकतर या वयात हार्मोनल बदल घडत असल्यामुळे त्वचेवर आणि शरीरात वेगवेगळे बदल दिसू लागतात. या काळात पिंपल्स, डार्क स्पॉट्स, स्किन सेन्सिटिव्हिटी, अतिशय घाम येणे, घामाला दुर्गंधी येणे हे सगळे प्रकार होत असतात. काही वर्षांनंतर हे कमी होते, पण कधीकधी एखाद्याला ही लक्षणे पुढे काही वर्षे, अगदी तिशीपर्यंतही जाणवू शकतात. आता उन्हाळा सुरू झाला आहे, त्यामुळे घाम येण्याचे प्रमाणही वाढते. आज आपण ‘घाम येणे’ ह्यासंदर्भात काय काळजी घेता येईल ते बघू या..अतिघाम येत असेल, तर आणखी एक समस्या उद्भवते, ती म्हणजे मेकअप कसा करायचा? कोणते प्रॉडक्ट्स वापरल्याने घाम येणार नाही? आणि मेकअप जास्त वेळ टिकून राहण्यासाठी काय करावे? अशा वेळी आपल्या त्वचेचा प्रकार बघून आपण स्किन केअर आणि मेकअपचे प्रॉडक्ट्स निवडावेत. हे करताना ट्रायल पॅक किंवा छोटे पॅक असलेले प्रॉडक्ट्स आधी घ्यावेत, कारण नेमके काय सूट होते आहे ते बघण्यासाठी ट्रायल घेणे महत्त्वाचे आहे. काही मॉइस्चरायझर्सही असे असतात जे लावल्यावर आधी खूप घाम येतो. कधी जेलयुक्त लोशन वापरून बघावे. हल्ली मेकअपसाठी लागणारी बहुतांश प्रॉडक्ट्स वॉटरप्रूफ आणि स्वेटप्रूफ असतात. त्यामुळे चांगल्या क्वालिटीची प्रॉडक्ट्स घ्यावीत. मेकअप करायच्या आधी चेहऱ्यावर बर्फ लावावा. नंतर टोनर आणि मॉइस्चरायझर लावून दहा मिनिटांनी फाउंडेशन लावावे. फाउंडेशन सेट करायला लूज पावडर वापरावी. असे केल्याने मेकअप दीर्घकाळ टिकतो आणि घाम येत नाही..खरेतर घाम येणे ही नैसर्गिक क्रिया आहे. या क्रियेमुळे आपले शरीराचे तापमान संतुलित असते. अतिशय घाम येणे, घामाला दुर्गंधी येणे हे खूप कॉमन आहे. घामाच्या ग्रंथी संपूर्ण शरीरावर असतात; त्यातही काखेत, कपाळावर, हातापायाच्या तळव्यावर जास्त प्रमाणात असतात. त्या ग्रंथींमार्गे शरीरातील टॉक्झिन्स बाहेर पडत असतात.घाम येण्याची प्रमुख कारणे व उपायहार्मोनल बदल : या कारणामुळे घाम येतो, त्यासाठी अँटिपर्स्पिरंट वापरावे. अंडर आर्म्स शेव्ह किंवा वॅक्स करावेत. त्वचा स्वच्छ ठेवावी म्हणजे विषाणूंची वाढ नियंत्रित करता येते. मेडिकेटेड सोप वापरावा आणि दोन वेळा तरी स्वच्छ अंघोळ करावी..व्यायाम, जॉगिंग, कार्डिओ : व्यायाम करताना खरेतर तुमचे कपडे घाम शोषणारे आणि शरीरासाठी आरामदायी असे असावेत. कॉटन हा उत्तम पर्याय आहे. शिवाय व्यायाम करताना घाम पुसायला कॉटन फेस टॉवेल सोबत ठेवावा. जास्तच घाम येत असेल, तर तुम्ही फेस टॉवेल गुलाब जलमध्ये डिप करून प्लॅस्टिक पाऊचमध्ये ठेवावा आणि काही वेळ फ्रीजमध्ये ठेवावा. थंड गुलाब जलयुक्त फेस टॉवेलने घाम पुसावा. असे केल्यास लगेच फ्रेश वाटेल.गर्मी आणि गर्दीच्या ठिकाणी गेल्यावर येणारा घाम : कुठेही बाहेर गर्दीत जाताना घट्ट कपडे घालू नयेत, हलके सुटसुटीत कॉटनचे कपडे वापरावेत. डिओ आणि अँटिपर्स्पिरंट जरूर लावावे. सोबत फेस टिशू किंवा वेट वाइप ठेवावेत, म्हणजे घाम पुसल्यावर फ्रेश वाटेल. अतिउष्णता जाणवेल अशा ठिकाणी जाणार असाल, तर बॅटरीवर चालणारा छोटा हँड फॅन सोबत ठेवू शकता; हे पंखे हल्ली सहज उपलब्ध आहेत.जास्त उकाडा अथवा ह्युमिड वातावरण असल्यास : थंड पाण्याने दोन वेळा तरी शॉवर घ्यावा, डिओ सोप वापरावा. डिओ पावडर, अँटिपर्स्पिरंट लावावे. फक्त कॉटनचेच कपडे वापरावेत. घट्ट कपडे घालणे टाळावे. ब्लाऊज किंवा ड्रेस घातल्यावर बाहेर जायच्या आधी आर्म पॅडचा वापर करू शकता, त्यामुळे सिल्कच्या कपड्यावर घामाचे डाग उठणार नाहीत..Premium| Hair-fall Control: केस गळतीवर खरंच उपाय आहेत?.जास्त मसालेदार आणि तिखट पदार्थ खाल्ल्यावर येणारा घाम : मसालेदार पदार्थ खाल्ल्यावर येणारा घाम सहसा नाकावर, कपाळावर आणि हनुवटीवर जास्त येतो. खरेतर आपला आहार काय आणि कसा आहे हे खूप महत्त्वाचे आहे. कारण आपल्या आहारात असलेल्या पदार्थांमधील पोषकतत्त्वे शरीराला मिळतात, आणि शरीराला जे नको असते ते शरीर विविध मार्गांनी बाहेर टाकत असते. त्यातील एक म्हणजे घामाच्या ग्रंथी. सात्त्विक आहार असल्यास घामाला दुर्गंधी अथवा कुठलाही वास नसतो. तसेच तामसी आहार म्हणजेच अतिशय मसालेदार, तिखट आहार सेवन करत असाल तर घामाला एक विशिष्ट वास येतो अथवा दुर्गंधी येते. त्यामुळे आपल्या आहाराकडे लक्ष देणे आवश्यक आहे. संतुलित आहार, भरपूर सॅलड, फळे खावी आणि पाणी भरपूर प्यावे..Premium| Fasting Recipes : साबुदाणा पराठे, शेंगदाण्याची आमटी.कधीकधी काही वैद्यकीय कारणांनीही घाम येऊ शकतो, उदाहरणार्थ, मेनोपॉज, उच्च रक्तदाब किंवा हृदयाचा काही विकार असेल आणि नेहमीपेक्षा जास्त घाम येत असेल, तर ताबडतोब डॉक्टरांचा सल्ला घ्यावा.काही वेळेस अतिशय घाम येणाच्या कंडिशनला हायपरहायड्रॉसिस असे म्हणतात. ह्या कंडिशनमध्ये हातापायाच्या तळव्यांना आणि काखांमध्ये खूप घाम येतो. ह्याची लक्षणे वेगळी असू शकतात. यामागे वैद्यकीय कारणे असू शकतात, तसेच अतिशय स्ट्रेस असल्यासही असे होऊ शकते. अशा वेळी हातापायाला अँटिपर्स्पिरंट पावडर लावू शकता. तसेच सोबत कॉटन हँड टॉवेल जरूर ठेवावा. शूज वापरत असल्यास कॉटनचे सॉक्स असावेत आणि शक्य असल्यास दिवसातून दोन वेळा ते बदलावेत. चप्पल वापरत असल्यास चांगल्या दर्जाच्या चपला वापराव्या; प्लॅस्टिक आणि इतर कृत्रिम मटेरियलच्या वापरू नयेत, त्याने तळपायाला जास्त घाम येऊ शकतो. यामागे जर स्ट्रेस हे मुख्य कारण असेल, तर मेडिटेशन आणि रिलॅक्स होण्याच्या क्रिया जरूर फॉलो कराव्यात. आणि तरीही फायदा झाला नाही, तर तज्ज्ञांचा सल्ला जरूर घ्या.(स्वप्ना साने नागपूरस्थित कॉस्मेटॉलॉजिस्ट आणि ब्यूटी थेरपिस्ट आहेत.) महत्त्वाचे: हे सगळे उपाय योग्य त्या तज्ज्ञांकडूनच करून घ्यावेत. तज्ज्ञांचा सल्ला घेऊन तुमच्या त्वचेसाठी नेमकी कशाची गरज आहे हे ओळखून या ट्रीटमेंट्स कराव्यात. ह्या सर्व ट्रीटमेंट्स तात्पुरत्या आहेत हे लक्षात ठेवावे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
