मीनाक्षी काटकर
आंबा बर्फी
वाढप
२ ते ३ व्यक्तींसाठी
साहित्य
दोन वाट्या गव्हाचे जाडसर पीठ, २०० ग्रॅम गूळ, २ चमचे तूप,
१ छोटा चमचा वेलची पूड, अर्धी वाटी ड्रायफ्रुट्स भरड, २ वाट्या आंबा गर.
कृती
सर्वप्रथम गुळाचा दोनतारी पाक तयार करावा. त्यानंतर तुपात पीठ खमंग भाजून घ्यावे. मग त्यात वरील सर्व पदार्थ घालून छान परतावे. तयार झालेल्या मिश्रणात गुळाचा पाक घालून नीट एकत्र करावे. नंतर हलक्या हाताने ताटाला तूप लावून मिश्रण त्यावर पसरवून वड्या पाडाव्यात. स्वादिष्ट आंबा बर्फी तयार!
