तळागाळातील जनतेला बँकिंगची सवय लावण्याचे अर्थव्यवस्थेतील अत्यंत महत्त्वाचे कार्य सहकार क्षेत्र करीत असतानाही अर्थव्यवस्थेत या क्षेत्राची उपयोगिता रिझर्व्ह बँकेस का मान्य नाही आणि आपली उपयोगिता सिद्ध करण्यासाठी सहकार क्षेत्राने नेमके काय केले पाहिजे?, खरोखरच रिझर्व्ह बँकेस नागरी बँकांचे क्षेत्र नकोसे झाले आहे का?, रिझर्व्ह बँकेच्या अहवालातील माहितीनुसार, देशातील ९५ टक्के नागरी सहकारी बँका आर्थिकदृष्ट्या सक्षम असतानाही त्यांच्या स्थैर्याबद्दल रिझर्व्ह बँकेस विश्वास का वाटत नाही? एकूणच, सहकारी बँकिंगचे क्षेत्र ‘सॉफ्ट टार्गेट’ होतंय का,अशी शंका येते.
