लिओनार्दो द विंची या जगप्रसिद्ध इटालीयन चित्रकाराने सन १५०३ ते सन १५१९ दरम्यान हे पोर्ट्रेट साकारले. १५ वे व १६ वे शतक हे फ्रान्समधल्या सांस्कृतिक बदलाचे मानले जाते. याच शतकांमध्ये फ्रान्सने आधुनिकतेकडे वाटचाल सुरु केली होती आणि नंतर त्याचे लोण साऱ्या युरोपात पसरले. फ्रेंच बँकर फ्रान्सिस्को डेल गिओकोंडो याची पत्नी लिसा हिच्यावरुन विंचीने मोनालिसा साकारली असे बोलले जाते. पण याबद्दलचे उलट-सुलट मतप्रवाह अजूनही आहेत. लिओनार्दो द विंचीने आपल्या आईचा कॅटेरिनाचा या पेंटिंगसाठी माॅडेल म्हणून वापर केला असाही एक मतप्रवाह आहे. (Story of Monalisa Paiting Story Theft)
मोनालिसा (Monalisa) मूळची कोण याचा शोध लावण्याचे प्रयत्न अजूनही सुरु आहेत. २१ व्या शतकात डिएनए चाचण्यांसारखे शास्त्र विकसित झाले. लिसा गिओकोंडोच्या कबरीतील अवशेषांतून डीएनएचे (DNA) नमुने घेऊन त्यावरुन तिचा चेहेरा साकारण्यासारखे प्रयोगही मोनालिसाच्या शोधाच्या नादात लावले गेले. पण त्यातूनही काही निष्कर्ष निघाले नाहीत.