विंटर सिझनमध्ये करा सागरी सफर!

सिंधुदुर्ग हा महाराष्ट्रातील दक्षिणेकडचा सगळ्यात शेवटचा जिल्हा. सिंधुदुर्गानंतर गोवा राज्य लागते. अर्थात गोव्यानंतर आता सिंधुदुर्गातील समुद्र किनाऱ्यांमुळे आणि वॅाटर स्पोर्टसमुळे सिंधुदुर्गातील सागरी पर्यटन बहरत आहे. हिवाळ्यात येथील सागरी किनाऱ्यांना भेट देण्याचा तुमचा फॅमिली प्लॅन असेल तर तुमच्यासाठी ही खास ठिकाणे आहेत.

सिंधुदुर्ग महाराष्ट्रातील पहिला पर्यटन जिल्हा असून, सिंधुदुर्गातील समुद्रकिनारे पर्यटनाने बहरत आहे. सिंधुदुर्ग गोव्यापेक्षा काही वेगळा नाही. गोव्यातील नाईट लाईफ सोडली तर सिंधुदुर्गात सागरी पर्यटनासाठी आवश्यक जलक्रिडा (Water Sports)नावारूपाला येत आहे. मालवण, तारकर्ली, रेडी, वेंगुर्ले, या ठिकाणी तुम्ही वॅाटर स्पोर्टसला जाऊन मनमुराद आनंद लुटू शकतात.
सिंधुदुर्ग जिल्ह्याला १२० कि. मी. लांबीचा समुद्र किनारा आहे. अर्थातच सिंधुदुर्गमध्ये असणाऱ्या समुद्र किनाऱ्यांची संख्या एकंदरीत गोवा राज्यापेक्षा जास्त आहे.

जर आपण गोवा राज्याची तुलना महाराष्ट्र राज्याच्या किनाऱ्याच्या लांबीशी केली तर महाराष्ट्राला ७२० कि. मी. लांबीचा समुद्र किनारा आहे, म्हणजेच ६१७ कि. मी. अधिक सुमुद्र किनारा आपल्या राज्याला लाभला आहे.