क्रिकेटचे गच्च भरलेले मैदान अन् मैदानात एकच आवाज सचिन...सचिन...! कारण एक संघर्ष देखील त्या दिवशी मैदानात उतरला होता; ज्याने स्वत:ला सिद्ध केले होते. त्यामुळे तो सचिन घडला. असे अनेक सचिन देशात आहेत. काही घडले तर काही अजूनही घडत आहेत. अशाच एका सचिनची ही यशोगाथा आहे, ज्याने आयुष्याच्या मैदानावर सामना केला तो बिकट परिस्थितीचा. यामध्ये जन्मत: आलेले अपंगत्व, घरची परिस्थिती बेताची, दोन कुबड्यांच्या साहाय्याने दररोज दोन किलोमीटरचा डोंगर पार करुन शाळेत जाणे-येणे. हे सर्व करुन सचिनने नवीन उदाहरण निर्माण केले आहे. त्यामुळे आपसूक डोळे पाणावतील. सचिनची ही यशोगाथा वाचायलाच हवी.
