हसऱ्या चेहऱ्याला दु:खाची किनार...!

आपले दु:ख विसरण्यासाठी सतत हसत राहण्याचा पर्याय अनेक जण अवलंबतात..- तनिष्का डोंगरेसतत हसतमुख असलेल्या चेहऱ्यामागे खूप मोठे दु:ख लपलेले असते असे म्हणतात. आपले दु:ख विसरण्यासाठी सतत हसत राहण्याचा पर्याय अनेक जण अवलंबतात. या हसऱ्या चेहऱ्यामागची मानसिकता काय असावी. कसा बनतो हा हसरा स्वभाव, काही वेळेस धारण केलेले हे मुखवटे अडचणीचेही ठरू शकतात..दिवाळखोरीत निघालेल्या कंपनीची मालकी कशी होते हस्तांतरित?.बाळ जन्माला येताना रडत येतं, त्याचं आयुष्य त्यानं हसत जगावं असं प्रत्येकालाच वाटत असतं. हसणे ही नैसर्गिक क्रिया आहे. जेव्हा आपण आनंदात असतो, आपल्या मनासारख्या काही गोष्टी घडल्यास आपण आनंदी असतो. अर्थातच म्हणजेच आपण हसत असतो. हे निर्मळ हास्य आपल्या आयुष्यात टिकून राहण्यासाठी आपण सर्वजण प्रयत्न करतो. एखादा व्यक्ती सतत हसऱ्या चेहऱ्यानी भेटत असल्यावर आपण त्याला काय हसमुख आहे असे म्हणतो. परंतु, त्याच्या या हसण्याच्या क्रियेमागेही एखादे दु:ख लपलेले असते याचा लवलेशही त्याच्या चेहऱ्यावर दिसून येत नाही.आपल्या आसपास अशा अनेक व्यक्ती आहेत की, त्यांना आयुष्यात खूप दु:खाचा सामना करावा लागला आहे. प्रत्येक गोष्टीत संघर्ष करावा लागला आहे. या सगळ्यातून पार होत सकारात्मक विचार बाळगत नव्याने आयुष्य जगण्याची धडपड अशा व्यक्तींना कायमचे हसमुख बनवून जाते. असे म्हटले तर वावगे ठरणार नाही. कारण मोठ्या दु:खानंतर काही व्यक्ती सकारात्मक होतात तर काही मुखवटे पांघरून आपलेच दु:ख कोंडून घेत असतात. आपल्या भावनांना वाट करून देण्यासाठी अशा व्यक्तींनी कोणाचीतरी मदत घेणे गरजेचे असते. भावनांना वाट करून दिल्यास ते दु:ख कमी होत नसले तरी त्यातून मार्ग काढण्यासाठी मदत होत असते.. ‘पीपीएफ - करबचतीबरोबरच करमुक्त उत्पन्नाची जननी.अशावेळी नातेवाईक, मित्र-मैत्रिणी, कार्यालयीन सहकाऱ्यांजवळ आपल्या भावना व्यक्त केल्यास त्या हसऱ्या चेहऱ्यामागचे दु:ख कमी होण्यास निश्चित मदत होईल. त्यासाठी काही वेळेस मानसोपचार तज्ज्ञांचा सल्लाही मोलाचा ठरतो. सततचा तणाव, कौटुंबिक, कामाच्या ठिकाणचा ताण अशा अनेक गोष्टींनी माणूस ग्रासून जात असतो. खरं तर प्रत्येकालाच अशा परिस्थितीला सामोरे जावे लागत असते. परंतु त्यातून अनेक जण सकारात्मकरित्या मार्ग काढतात. तर काही अशा परिस्थितीला सामोरे जाणे टाळतात. तर काही जण त्यातून तिसरा मार्ग काढत सतत आनंदी राहण्याचा प्रयत्न करीत असतात.सकारात्मक राहण्यासाठी हास्य हा खूप मोठा आधार ठरत असतो. हसण्याने आयुष्य वाढते असे म्हटले जाते. याशिवाय निरोगी राहण्यासाठीही हास्य खूप महत्त्वाचे असते असेही सांगितले जाते. त्यासाठी विविध ठिकाणी हास्य क्लब तयार झाले आहेत. या क्लबच्या माध्यमातून विविध प्रकारच्या हास्याचे प्रकार केले जातात. पुण्यातील नवचैतन्य हास्य क्लबच्या जवळपास २०० शाखा तयार झाल्या आहत. पुण्यासह राज्यात त्यांचा प्रसार वाढतो आहे. लॉकडाउनच्या काळात हे क्लब ऑनलाइन घेण्यात आले. सध्याही अनेक ठिकाणची उद्याने बंद असल्याने ऑनलाइनच्या माध्यमातून हे क्लब चालवले जातात..मराठमोळी साधीसुदी काकी!.मानसोपचारतज्ज्ञ राजश्री पुरंदरे सांगतात, मानसोपचार तज्ज्ञ म्हणून काम पाहताना अनेक मुखवटे धारण केलेले चेहरे समार येतात. हा मुखवटा मनातल्या मनात, ती खंत, सल जिवंत ठेवतो. अनेकदा माणसे आपल्या भावना रोखण्यासाठी यशस्वी होतात. परंतु ते घातक असते. वरवर हास्याचा दिखावा करणाऱ्या व्यक्ती अनेकवेळा आम्हाला पहायला मिळतात. व्यक्तीच्या भावनांचा निचरा योग्यवेळी होणे गरजेचे आहे. भावनांचा निचरा होण्याची प्रक्रिया गुंतागुंतीची आहे. यासाठी जर व्दिधा मनस्थिती असेल तर, जरूर तज्ज्ञ व्यक्तींची मदत घ्यावी. तज्ज्ञ व्यक्ती ही तुमची जवळची सखी, आई, वडील, कुटुंबातील कोणीही सदस्य, असू शकते, ज्यांनी या पूर्वी तुमच्या सारख्या अनुभवांना सामोरं जायचं धाडस दाखवले आहे. हा पर्याय उपलब्ध नसेल तर, मानसोपचार तज्ज्ञ, तुमच्या मदतीला असतातच.आयुष्यात परिस्थिती आणि त्याबाबत आपली असणारी मानसिक, भावनिक प्रतिक्रिया आहे तशी स्वीकारण्याची पात्रता, आपण स्वतः मध्ये निर्माण करणे गरजेचे आहे. जर ती आपण स्वतःमध्ये रुजवू शकलो, तर अगदी सहजतेने कठीण, आणि आव्हानात्मक प्रसंगातून आपण अलगद बाहेर पडून, पुढे जाऊ शकतो असेही पुरंदरे यांनी सांगितले. ‘‘त्यामुळे, ओठी हसू, पापणीत आसवांचा झर’’की, हसण्यासाठी जन्म आपुला; म्हणून अडचणी, वेदना, वास्तव स्वीकारत दिलखुलास हसायचं आणि हसवत रहायचं हा पर्याय आपला आपण निवडायचा असतो.‘‘अनेकदा उसन्या हास्याची किंमत माणसांना मोजावी लागते. दीर्घ काळ भावना लपवून, दडपून ठेवल्याने त्याचे पर्यवसान साहजिकच मानसिक आरोग्याचा समतोल ढळण्यामध्ये होते. त्यासाठी आव्हानात्मक परिस्थितीवेळी अशा प्रसंगातून बाहेर पडण्याचे कसब आपल्याला जमले पाहिजे.’’- राजश्री पुरंदरे, मानसोपचारतज्ज्ञ.हसण्याने आपल्याला आलेला तणाव दूर होण्यास मदत होते. दु:ख दूर करण्याचं हास्य हे एक कारण आहे. सकारात्मक राहिल्यास कोणतेही दु:ख पचवू शकतो. एखाद्या क्रियेवर व्यक्त होण्यासाठी आपण हसत असते. विनाकारण आपण हसत नाही. त्यामुळे एकत्र येऊन हसणे हे कधीही फायद्याचे असते. त्यामुळे हास्य क्लब त्यासाठी महत्त्वाचा आहे. यामध्ये दिवसाची सुरवात हसण्याने होत असून आपला दिवस आनंदात जाण्यासाठी मदत होत असते.- विठ्ठल काटे, नवचैतन्य हास्य क्लब..Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

हसऱ्या चेहऱ्याला दु:खाची किनार...!

Related Stories