जगात भारी कोल्हापुरी चप्पल न्यारी!

कोल्हापूर (Kolhapur)शहराच्या प्रमुख आकर्षणांपैकी कोल्हापुरी चप्पल (kolhapuri chappal) हे विशेष आकर्षण आहे. कर्रकर्र आवाज ही या चप्पलची अनोखी खासियत आहे. कोणी पारंपरिक म्हणून तर कोणी फॅशन (Fashion) म्हणून या चपलांचा वापर करताना दिसतात. केवळ भारतातच (India) नव्हे तर परदेशातील नागरिकांनाही भुरळ घालणाऱ्या चपला नेमक्या तयार कशा केल्या जातात याचा आढावा घेऊयात... (How kolhapuri chappal Was Made and When it was invented)

कोल्हापूर म्हणंल की डोळ्यासमोर तांबडा-पांढरा रस्सा, झणझणीत मिसळ, रंकाळा, आई अंबाबाई अन् जगात भारी अशी इथली रांगडी भाषा डोळ्यासमोर उभी राहते. त्यापाठोपाठ येथील चपला अन् त्यांचा तडफदार आवाज, रुबाब नकळत डोळ्यासमोर आल्याशिवाय राहत नाही. कोल्हापुरी चप्पल भारतीय व भारताबाहेरील ग्राहकांच्या पसंतीस उतरल्या आहेत.