Mental Health Awareness 2026
esakal
स्नेहल बाकरे
काही लोकांना अपयश सहज पचवता येत नाही. ते अपयशानं पार खचून जातात. इतके की त्यामुळे त्यांना शांत झोप लागत नाही, त्यांची भूक मंदावते, कोणतीही नवीन गोष्ट करायला त्यांना आवडत नाही किंवा काहीवेळा आपण निरुपयोगी आहोत, असंही त्यांना वाटतं. अशावेळी हे डिप्रेशन कमी करण्यासाठी काउन्सिलिंगबरोबरच औषधं देऊन त्यातून त्यांना बाहेर काढता येतं.
‘‘मिनू हे जरा आजीला आत नेऊन दे गं.’’ आईनं दिलेली गरमागरम पोह्यांची प्लेट घेऊन मिनू आजीच्या खोलीत शिरली. आजी खोलीत काहीतरी आवराआवर करत आहे हे पाहून मिनू म्हणाली, ‘‘आजी हे काय करतीयेस? तुला बरं नाही ना. काही हवं असेल तर मला आवाज द्यायचा ना.’’
‘‘अगं मी बरी आहे आता. चल ते पोहे आपण बाहेर बसून खाऊयात. मला ना दोन दिवस खोलीत बसून खूप कंटाळा आलाय. बाहेर तुमच्यासोबत बसलं की तेवढंच जरा फ्रेश वाटतं.’’
आजी आणि मिनू बाहेरच्या खोलीत आल्या.
