सबस्क्राईब करा
संपादकीय
अंगाची काहिली करणाऱ्या फुफाट्यातून वाट काढत असताना आलेल्या पावसाच्या सांगाव्याने पुढे कुठेतरी असायला हवेत असे वाटणाऱ्या सुखद क्षणांची चाहूल दिली आहे. दिवसच असे आहेत, की चांगलं काही तरी घडणार आहे असं सुचवणारी कोणतीही शुभचिन्हे कुठेतरी लांब क्षितिजापार उमटताना पाहणेदेखील सद्आशेचा हवाहवासा वाटणारा शिडकावा करून जाते आहे. असाच काहीसा दिलासा भारतीय हवामान विभागाने व्यक्त केलेल्या यंदाच्या पावसाच्या अंदाजाने मिळाला आहे.