Seven Rules of Savings
esakal
डॉ. अमेय खरे
बचतीच्या सात नियमांचा उद्देश केवळ पैसे साठवणं नसून, आर्थिकदृष्ट्या सजग नागरिक तयार करणं हा आहे. आपण आपल्या उत्पन्नाचं नियोजन केलं, अनावश्यक खर्चांवर नियंत्रण ठेवलं आणि नियमित बचतीची सवय लावली, तर भविष्यातल्या अनेक आर्थिक अडचणी सहज टाळता येऊ शकतात.
आपण सर्वजण आयुष्यभर पैसा कमावण्यासाठी मेहनत करतो. पगार वाढावा, व्यवसाय वाढावा, कुटुंबाला चांगलं जीवन देता यावं ही प्रत्येकाची इच्छा असते. परंतु एक साधा प्रश्न विचारला, तर अनेकांना त्याचं स्पष्ट उत्तर देता येत नाही, आपण कमावलेल्या एकूण रकमेपैकी आपण किती पैसे व्यवस्थित साठवतो?