Easy Indian Healthy Recipes
esakal
साहित्य
शंभर ग्रॅम मुगाची डाळ, ५० ग्रॅम बारीक चिरलेला कोबी,
१ बारीक चिरलेली हिरवी मिरची, गरजेनुसार तेल, चवीनुसार मीठ व साखर, अर्धा चमचा जिरे पूड, पाव चमचा मोहरी, अर्धी वाटी बारीक चिरलेली कोथिंबीर.
कृती
मुगाची डाळ चार ते पाच तास पाण्यात भिजत ठेवावी. भिजल्यानंतर त्यातील पाणी काढावे. आता कोबी व मुगाची डाळ एकत्र करावी. एका छोट्या कढईत तेल तापवून त्यात मोहरी, हिरवी मिरची, मीठ व साखर घालावी व फोडणी तयार करावी. मूग डाळ व कोबीच्या मिश्रणावर जिरे पूड घालून फोडणी घालावी. वरून कोथिंबीर भुरभुरून मूग पचडी सर्व्ह करावी.
साहित्य
प्रत्येकी ५० ग्रॅम लाल भोपळा, पांढरा भोपळा, गाजर, बीट व दही, चवीनुसार मीठ आणि साखर, अर्धा चमचा जिरे पूड,
१ बारीक चिरलेली हिरवी मिरची, गरजेनुसार तेल, पाव चमचा मोहरी, अर्धी वाटी बारीक चिरलेली कोथिंबीर.
कृती
सर्वप्रथम लाल भोपळा, पांढरा भोपळा, गाजर व बीट स्वच्छ धुऊन घ्यावे. या भाज्यांच्या बारीक चौकोनी फोडी करून घ्याव्यात. एका भांड्यात सर्व फोडी घालून कुकरमध्ये उकडून घ्याव्यात. थंड झाल्यानंतर या भाज्यांमध्ये जिरे पूड, दही, मीठ व साखर घालावी. एका छोट्या कढईत तेल तापवून त्यात मोहरी व हिरव्या मिरचीचे तुकडे घालून फोडणी तयार करावी. ही फोडणी वरून भाज्यांवर घालावी. कोथिंबीर भुरभुरून कोशिंबीर सर्व्ह करावी.
