शाहिरांचा काळ जवळजवळ सव्वादोनशे वर्षांपूर्वीचा. हे शाहीर, ‘होनाजी बाळा’ हे जोडनाव वापरत असले, तरी त्या गीतांचे लेखन होनाजींनी केलेले आहे आणि त्यांचा मित्र बाळा त्या गात असे; पण होनाजी आपल्या कवनांत स्वतःला ‘होनाजी बाळा’ असेच म्हणवत असत. त्यांच्या जवळजवळ २०० लावण्या आणि पोवाडे प्रसिद्ध आहेत. त्यांच्या लावण्यांतून प्रीतीच्या छटा, विशेषतः स्त्रियांच्या भावना समरसतेने रंगवलेल्या आहेत.
