Courtship period in arranged marriage
esakal
‘‘तुम्ही भारतीय भलतेच धाडसी असता बाबा!’’ माझी इटालियन सहकारी एकदा सहज बोलता बोलता म्हणाली.
तिच्या म्हणण्याचा नेमका रोख न समजून मी प्रश्नार्थक चेहऱ्यानं तिच्याकडे पाहिलं.
‘‘मी वाचलंय की आजही तुमच्या देशातली जवळ जवळ अर्धी तरुण मंडळी अरेंज्ड मॅरेज करतात, कसलं धाडसी आहे हे! जरा रिस्कीपण आहे!’’
तिच्या म्हणण्यातलं थोडं कुतूहल, काही अंशी खरा असणारा तार्किक विचार आणि तरीही डोकावणाऱ्या उपहासाकडे दुर्लक्ष करत तिला म्हटलं, ‘‘धाडसी वाटू शकतं खरं, पण बऱ्याच भारतीय लग्नांमध्ये कोर्टशिप पिरियड मोठा असतो, त्यामुळे तुला वाटतंय तितकी मोठी रिस्क नसते, कॅल्क्युलेटेड रिस्क म्हणू शकतो फार तर, पण त्या कॅलक्युलेशनलाही पुरेसा वेळ मिळतो.’’