Share Market : शांत मनाने नवी खरेदी न करता हात राखून, थांबून विक्री करणे सुज्ञपणाचे

भूषण महाजन

रिटेल गुंतवणूकदार म्युच्युअल फंडामार्फत किंवा थेट बाजारातून खरेदी करतोच आहे. त्यामुळेच तर बाजार एका टप्प्याच्या खाली येत नाही. नेमके जेव्हा परदेशी संस्था खरेदी करतात, तेव्हा स्थानिक संस्था विक्रीला उभ्या राहतात. परिणामतः फार वर जायलाही लगाम बसतो. ही रस्सीखेच सुरूच असल्यामुळे, ज्याकडे तत्कालीन बळ अधिक तिथे बाजार खेचला जातो.