Pune Grand Tour
sakal
ग्रँड टूरच्या निमित्ताने सायकलिंगसाठी पोषक वातावरण निर्माण झाले आहे. मात्र पुण्यातील सायकलपटूंच्या ज्या मूलभूत समस्या आहेत, त्या दूर करून त्यांना आवश्यक त्या प्राथमिक सुविधा व सवलती दिल्या, तर जागतिक स्तरावर पुण्याचे खेळाडू निश्चितच गौरवास्पद कामगिरी करतील.
आमच्या मुलांना सायकलिंग या खेळामध्ये करिअर करता येईल का? या खेळाच्या स्पर्धात्मक सरावासाठी कोणत्या सायकली उपयोगाला येतात? या शर्यतीसाठी आवश्यक असणारे पोशाख व अन्य साहित्य कोठे मिळते? असे एक ना अनेक प्रश्न विचारत अनेक पालक सध्या पुण्यातील बालेवाडी येथील सायकलिंग वेलोड्रोमवरील प्रशिक्षकांकडून शंकानिरसन करून घेत आहेत. ही किमया साधली गेली, ती पुणे जिल्ह्यात आयोजित करण्यात आलेल्या पुणे ग्रँड आंतरराष्ट्रीय सायकलिंग स्पर्धेमुळेच!