Tarpa Art
esakal
डॉ. दौलतराव कांबळे
महाराष्ट्र राज्याला आदिवासी लोकसंस्कृतीचा समृद्ध वारसा लाभला आहे. वारली समाजातील ‘तारपा’ लोकनृत्यातून तो प्रकर्षाने दिसून येतो. वारली समाजाच्या लोककलेचा अविभाज्य भाग म्हणजे ‘तारपा’ वाद्य. तारपा वाद्य आणि नृत्य म्हणजे वारली समाजाची ओळख. वारली समाजाच्या तारपा नृत्याची परंपरा जतन करण्याचे काम स्थानिक लोककलावंतांनी केले आहे आणि त्यात प्रामुख्याने नाव घ्यावे लागेल ते पालघर जिल्ह्यातील सुपुत्र भिकल्या लाडक्या धिंडा यांचे.