वाघोली : भीमा नदीत उडी मारून 19 वर्षीय तरुणाची आत्महत्या

वाघोली : भीमा नदीत (Bhima river) उडी मारून 19 वर्षीय तरुणाने आत्महत्या (suicide) केल्याचा प्रकार पेरणे फाटा येथे आज सकाळी आठ वाजण्याच्या सुमारास घडला. वाघोली पीएमआरडीए अग्निशमन केंद्राच्या कर्मचाऱ्यांनी दोन तासाच्या अथक परिश्रमानंतर मृतदेह बाहेर काढला.दीपक जितेंद्र रायपुरे ( वय १९, रा पेरणेफाटा ) असे आत्महत्या केलेल्या तरुणाचे नाव आहे.(19 year old commits suicide jumping into Bhima river)

तो कंपनीच्या ड्रेसवरच होता. सकाळी घरातून निघाल्यानंतर त्याने सरळ पेरणे फाटा येथील भीमा नदी गाठत नदीत उडी मारली. तो कारेगाव ( ता शिरूर ) येथील एक कंपनीत काम करत होता. आत्महत्येचे कारण कळू शकले नाही. अग्निशमन विभागातील उपस्थानक आधिकारी विजय महाजन, वाहन चालक नितीन माने, मयूर गोसावी, महेश पाटील, संदीप तांबे, अक्षय बागल, मुस्ताक तडवी, तेजस डांगरे या कर्मचाऱ्यांनी दोन तासातच मृतदेह बाहेर काढला. पुढील तपास लोणीकंद पोलीस करीत आहेत.