पुणे शहरात आज १९३ ठिकाणी लसीकरण; जाणून घ्या कुठल्या केंद्रावर कोणती लस

पुणे - केंद्र सरकारने (Central Government) १८ वयाच्या पुढील नागरिकांचे मोफत लसीकरण (Free Vaccination) करण्याचे जाहीर केल्यानतंर उद्या (ता. २३) पासून शहरात या गटासाठीचे लसीकरण सुरू करण्याचे नियोजन केले आहे. पुण्यात बुधवारी १९३ ठिकाणी कोरोना प्रतिबंधक लसीकरण होणार आहे. १२५ ठिकाणी कोव्हीशील्डच्या (Covishield) ४५ ते पुढील वयोगटासाठी नियोजन केले आहे. ५३ ठिकाणी कोव्हीशील्डत्या १८ ते ४४ वयोगटासाठी तर १५ ठिकाणी कोव्हॅक्सीनच्या (Covaxin) १८ ते पुढील वयोगटासाठीचे नियोजन केले आहे. या प्रत्येक केंद्रावर १०० डोस उपलब्ध आहेत, अशी माहिती प्रशासनाने दिली. (193 Places Vaccine in Pune City)

कोव्हीशील्ड (४५ ते पुढील वयोगट)

- ज्यांनी ३१ मार्च पूर्वी पहिला डोस (८४ दिवस) घेतला आहे त्यांना २० टक्के लस ऑनलाईन नोंदणी द्वारे उपलब्ध.

- फ्रंटलाइन कर्मचारी व थेट केंद्रावर जाणाऱ्या नागरिकांच्या दुसऱ्या डोससाठी २० टक्के लस राखीव

- ३० टक्के लस ऑनलाईन नोंदणी करून आलेल्यांच्या पहिल्या डोससाठी

- ३० टक्के लस फ्रंटलाइन कर्मचारी व थेट केंद्रावर जाणाऱ्या नागरिकांच्या पहिल्या डोससाठी राखीव

- ऑनलाईन बुकिंग सकाळी ८ वाजता सुरू होईल

कोव्हीशील्ड (१८ ते ४४ वयोगट)

- ७० टक्के लस ऑनलाईन बुकींगद्वारे उपलब्ध

- ३० टक्के लस थेट केंद्रावर जाणाऱ्या नागरिकांसाठी

कोव्हॅक्सीन (१८ ते पुढील वयोगट)

- २५ मे पूर्वी पहिला डोस घेणाऱ्यांना दुसरा डोस मिळणार

-५० टक्के लस ऑनलाईन बुकींगद्वारे उपलब्ध

- ५० टक्के लस थेट केंद्रावर जाणाऱ्या नागरिकांसाठी