मसाज सेंटरच्या नावाखाली घडत होता 'हा' धक्कादायक प्रकार

औंध (पुणे) : बाणेर येथील कपिल मल्हार सोसायटी समोरील 'द मिंट' या इमारतीच्या तिसऱ्या मजल्यावर मसाज सेंटरच्या नावाखाली वेश्या व्यवसाय केला जात असल्याचा धक्कादायक प्रकार चतुशृंगी पोलिसांनी उघडकीस आणला आहे. हा व्यवसाय चालवला जात असल्याची माहिती मिळाल्यानंतर व्यवसाय चालवणा-या मालकिणीसह व्यवस्थापकाला चतुशृंगी पोलिसांनी अटक केली आहे. पिडीत महिलांकडून जबरदस्तीने वेश्या व्यवसाय करुन घेत असल्याप्रकरणी व्यवस्थापक अमर दत्तू कांबळे(३५ वर्षे) (रा. फ्लॅट १४, चंद्रगन सोसायटी, चिंतामणी शाळेजवळ आंबेगाव पठार) मालकीण व स्पा चालक ज्योती दाऊ बनसोडे (३१ वर्षे, रा. तेलगू चौक जांभूळवाडी रोड, कात्रज) यांना पोलिसांनी ताब्यात घेतले आहे.

पुणेकरांनो, नियमांचे उल्लंघन केल्यास कडक कारवाई होणार 

वरिष्ठ पोलिस निरीक्षक अनिल शेवाळे यांना बाणेर येथे मसाजच्या नावाखाली वेश्या व्यवसाय चालत असल्याची शनिवारी (ता. ११ जुलै) रोजी गुप्त माहिती मिळाल्यानंतर संबंधित ठिकाणी रात्री साडेनऊ वाजता पथकाकडून छापा टाकण्यात आला. यावेळी तेथील चार पिडीत महिलांची सुटक करण्यात आली व वेश्या व्यवसायासाठी वापरण्यात आलेले दोन मोबाईल फोन व इतर वस्तू जप्त करण्यात आल्या.

पुण्याच्या बातम्या वाचण्यासाठी येथे ► क्लिक करा

संशयित आरोपींना न्यायालयात हजर केल्यानंतर त्यांना पोलिस कोठडीत ठेवण्याचा आदेश देण्यात आला आहे. तसेच या प्रकरणातील पिडीत महिलांना संरक्षणार्थ मुंढवा येथील महिला सुधारगृहात ठेवण्यात आले आहे. परिमंडळ चारचे उपायुक्त पंकज देशमुख व सहाय्यक आयुक्त लक्ष्मण बोराटे यांच्या मार्गदर्शनाखाली पुढील तपास वरिष्ठ पोलिस निरीक्षक अनिल शेवाळे हे करत आहेत.