कोरोनाने उडवली पोलिस दलात खळबळ; एकाच ठाण्यातील २७ जणांना...!

पुणे : शहरवासियांसह पोलिस अधिकारी आणि कर्मचाऱ्यांनाही कोरोनाची लागण होण्याची संख्या वाढत चालली आहे. बुधवारी (ता.१) शहर पोलिस आयुक्तालय अंतर्गत चार ठाण्यातील आठ पोलिसांना कोरोनाची लागण झाली आहे. शिवाजीनगर परिसरातील एका पोलिस ठाण्यातील दोघांचा रिपोर्ट पॉझिटिव्ह आल्यानंतर ठाण्यातील सर्वच 27 पोलिसांना क्वारंटाईन करण्यात आले आहे. 

- लॉकडाउनमध्ये पुण्यात तब्बल 'एवढ्या' वाहनांची झाली विक्री; आरटीओच्या तिजोरीत कोटींची भर!

कोरोना झालेल्यामध्ये एक वरिष्ठ पोलिस निरीक्षक आणि उपनिरीक्षक यांचा समावेश आहे. यामुळे शहर पोलिस दलात एकाच खळबळ उडाली आहे. शहर पोलिस दलातील 125 जणांना आतापर्यंत कोरोनाची लागण झाली आहे. त्यातील बहुतांश पोलिस कर्मचारी हे बरे झाले असून काहीजण पुन्हा कामावर परतले आहेत.

- 'मुख्यमंत्री साहेब, पालखी सोहळ्यासाठी वापरलेल्या 'त्या' बस...'; वारकऱ्यांनी मुख्यमंत्र्यांना काय घातले साकडे?

शहराच्या पश्चिम भागातील एका पोलिस ठाण्यातील एक उपनिरीक्षक आणि दोन कर्मचारी कोरोना पॉझिटिव्ह आढळून आले. त्यामुळे त्यांच्या सोबत काम करीत असलेले 10 पोलिस कर्मचाऱ्यांना क्वारंटाईन करण्यात आले आहे. ससून हॉस्पिटलजवळील एका पोलीस ठाण्यात दोन कर्मचाऱ्यांना कोरोनाची लागण झाली आहे. 

- पुण्याच्या बातम्या वाचण्यासाठी येथे ► क्लिक करा

पोलिस दलाच्या एका महत्वाच्या विभागातील वरिष्ठ पोलिस निरीक्षकाला करोणाची लागण झाली आहे. त्यांच्या संपर्कात आलेल्या सर्वांची तपासणी केली गेली. ज्यांना क्वारंटाईन करण्याची आवश्‍यकता असेल त्यांना क्वारंटाईन करण्यात येईल. 
- रविंद्र शिसवे, सह पोलिस आयुक्त

- ताज्या बातम्यांसाठी डाऊनलोड करा ई-सकाळचे ऍप