पुणे - मे महिन्यापासून कोरोनाची सौम्य लक्षणे असलेले रुग्ण वाढत असून यावर्षी जानेवारीपासून आतापर्यंत १२१ रुग्ण कोरोनाबाधित आढळले होते. त्यापैकी २७ रुग्णांना उपचाराअंती घरी सोडले असून सध्या ९४ रुग्ण शहरात सक्रिय आहे..त्यापैकी ८४ रुग्ण घरीच विलगीकरणात असून १० रुग्ण सरकारी, खासगी रुग्णालयात उपचार घेत आहेत. त्यांना सौम्य लक्षणे असून आतापर्यंत एकाचाही मृत्यू झाला नसल्याच माहिती पुणे महापालिकेच्या आरोग्य विभागाने दिली.महानगरपालिकेने दिलेल्या माहितीनुसार जानेवारीपासून आतापर्यंत ८०४ संशयित रुग्णांचे नमुने तपासणीसाठी घेतले होते. त्यापैकी, १२१ रुग्ण कोरोनाबाधित आढळले होते. सोमवारी १३ नवे कोरोनाबाधित रुग्ण आढळले आहेत..तर सिंगापूर आणि हाँगकाँगमध्ये नव्याने आढळलेल्या कोरोना रुग्णांच्या पार्श्वभूमीवर पुण्यात सतर्कतेची पावले उचलण्यात येत आहेत. शहरात श्वसनविकारांच्या रुग्णांवर लक्ष ठेवले जात असून, डॉ. नायडू रुग्णालयात ५० खाटा सज्ज ठेवण्यात आल्या आहेत..औषधांचा आणि आवश्यक साधनांचा पुरेसा साठा ठेवण्यात आला आहे. सध्या रुग्णांपैकी कोणत्याही रुग्णाची स्थिती गंभीर नाही, तसेच कोणताही रुग्ण व्हेंटिलेटरवर नाही, अशी माहिती महापालिकेच्या वैद्यकीय अधिकारी डॉ. नीना बोराडे यांनी दिली..आरोग्य विभागाने नागरिकांना मास्कचा वापर, हातांची स्वच्छता आणि लक्षणे आढळल्यास त्वरित तपासणी करण्याचे आवाहन केले आहे. सध्या परिस्थिती नियंत्रणात असली तरी खबरदारी अत्यावश्यक असल्याचे प्रशासनाने स्पष्ट केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
