ह्रदय हेलावून टाकणारी घटना; खेळताना विहीरीत पडून 3 वर्षाच्या अधिराजने गमावला जीव

ह्रदय हेलावून टाकणारी घटना; खेळताना विहीरीत पडून 3 वर्षाच्या अधिराजने गमावला जीव

बारामती : तालुक्यातील तीन वर्षीय मुलाचा विहीरीत पडून काल दुर्देवी अंत झाला. अधिराज सागर आहेरकर (रा. ब-हाणपूर, ता. बारामती) असे या त्याचे नाव आहे. 

काल सकाळी साडेदहाच्या सुमारास अधिराज हा आपल्या घराच्या अंगणात खेळत होता. घरातील लोक आपापल्या कामात होते. शेजारची एक छोटी मुलगी आलेली होती, तिच्याशी अधिराज खेळत असावा या कल्पनेतून घरातील लोक आपापली कामे करत होते. त्याच वेळेस घराशेजारी असलेल्या विहीरीत काहीतरी पडल्याचा आवाज आला.

- पुण्याच्या बातम्या वाचण्यासाठी येथे ► क्लिक करा

अधिराजही दिसत नसल्याने संशय आल्याने त्याच्या वडीलांनी विहीरीत उडी मारली तेव्हा अधिराजच विहीरीत पडल्याचे लक्षात आले. त्याला पाण्यातून बाहेर काढून त्याच्या कुटुंबियांनी तातडीने बारामतीचे सिल्व्हर ज्युबिली रुग्णालय गाठले. तेथील डॉ. महेश जगताप यांनी त्याच्या पोटातील पाणी काढून त्याच्यावर उपचाराचे शर्थीचे प्रयत्न केले, मात्र हा चिमुकला वाचू शकला नाही.

या घटनेने आहेरकर कुटुंबियांवर दुःखाचा डोंगर कोसळला. या विहीरीला कठडे नसल्याने अधिराज हा खेळता खेळता तोल जाऊन या विहीरीत पडला असावा असा अंदाज आहे. मात्र ही घटना या कुटुंबियांवर आघात करुन गेली. 
व्यावसायिक गौतम पाषाणकर का निघून गेले? वाचा सविस्तर

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com