पुणे : सराईत गुन्हेगाराकडून घरफोडीच्या तब्बल 30 घटना उघड | Sakal
sakal

बोलून बातमी शोधा

Crime Branch
पुणे : सराईत गुन्हेगाराकडून घरफोडीच्या तब्बल 30 घटना उघड

पुणे : सराईत गुन्हेगाराकडून घरफोडीच्या तब्बल 30 घटना उघड

पुणे : शहराच्या वेगवेगळ्या भागातील बंद घरांची पाहणी करून घरफोड्या करणाऱ्या एका सराईत गुन्हेगारास गुन्हे शाखेच्या युनीट सहाच्या (Crime Branch Unit 6)पथकाने अटक केली. आरोपीकडून आत्तापर्यंत घरफोडीच्या 30 घटना उघडकीस आल्या आहेत. पोलिसांनी त्याच्याकडून सोन्या-चांदीचे दागिने, कार असा 31 लाख 75 हजार रुपयांचा ऐवज जप्त केला.(crime news)

हेही वाचा: PM मोदींनी घेतली राष्ट्रपतींची भेट; पंजाबमधील सुरक्षेतील त्रुटींबाबत दिली माहिती

अर्जुनसिंग रजपुतसिंग दुधानी (वय 44, रा. मांजरी बुद्रूक) असे अटक केलेल्याचे नाव आहे. लोणी काळभोर पोलिस ठाण्याच्या हद्दीत सातत्याने होणाऱ्या घरफोडीच्या गुन्ह्यांचा तपास गुन्हे शाखेच्या युनीट सहाच्या पथकाकडून सुरू होता. घरफोड्याच्या गुन्ह्यातील सराईत गुन्हेगार अर्जुनसिंग दुधानी याने त्याच्या साथीदारांसह संबंधित घरफोडीच्या घटना केल्याची माहिती पोलिसांना मिळाली. त्यानुसार, गुन्हे शाखेच्या युनीट सहाचे पोलिस निरीक्षक गणेश माने यांच्या पथकाने त्यास सापळा रचून अटक केली. पोलिसांनी त्याची चौकशी केली, तेव्हा त्याने शहराच्या वेगवेगळ्या भागात घरफोडीचे तब्बल 30 गुन्हे केल्याची माहिती त्याने दिली. पोलिसांनी त्याच्याकडून सोन्या-चांदीचे दागिने, कार असा एकूण 31 लाख 75 हजार रुपयांचा ऐवज जप्त केला.(pune news)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top