पुणे - शहरात गुरुवारी रात्री व शुक्रवारी सायंकाळी झालेल्या जोरदार पावसामुळे ३४ झाडे कोसळण्याची घटना घडली. शहराच्या वेगवेगळ्या भागात झाडपडीच्या घटना घडल्या. या घटनेत सुदैवाने कोणीही जखमी झाले नसल्याची माहिती अग्निशामक दलाच्यावतीने देण्यात आली..शहरात गुरुवारी रात्री नऊ वाजता पाऊस सुरू झाला. रात्री उशिरापर्यंत शहराच्या मध्यभागासह उपनगरामध्ये पाऊस सुरू होता. त्यामुळे ठिकठिकाणी झाडपडीच्या घटना घडल्या. अनेक ठिकाणी रस्त्यावर झाडे कोसळण्याची घटना घडली.कोथरूडमधील गिरिजा विहार, सातारा रस्त्यावरील वाळवेकरनगर, फडके हौद चौक, नारायण पेठ, बाणेर, कोरेगाव पार्क, हडपसर, गोखलेनगर अशा वेगवेगळ्या ठिकाणी झाडपडीच्या घटना घडल्या. तर, शुक्रवारी दिवसभर विश्रांती घेतल्यानंतर सायंकाळी सहा वाजण्याच्या सुमारास पावसाने जोरदार बॅटींग करण्यास सुरवात केली..दीड तास झालेल्या पावसाने अनेक ठिकाणी रस्त्यांवर पाणी साचले.त्याचबरोबर झाडपडीच्याही घटना घडल्या. पाषाण रस्त्यावरील पंचवटी परिसरात एक मोठे झाड मोटारीवर कोसळले. जवानांनी फांद्यांखाली अडकलेली मोटार फांद्या कापून बाहेर काढली.मुंढवा, केशवनगर, वडगाव येथील समर्थनगर, बी.टी.कवडे रस्ता, घोरपडे पेठ, मार्केट यार्ड, मॉडेल कॉलनी या परिसरात सायंकाळी झाडे कोसळली. काही ठिकाणी मोठी झाडे, तर काही ठिकाणी मोठ्या फांद्या तुटून रस्त्यावर पडल्याने रस्ता बंद होण्याचा प्रकार घडला..दरम्यान, या घटनांबाबत अग्निशामक दलाच्या लोहियानगर येथील नियंत्रण कक्षाकडे नागरिकांच्या तक्रारी आल्या. त्यानंतर अग्निशामक दलाच्या जवानांनी झाडे बाजूला करून रस्ते वाहतुकीसाठी खुले केले. दोन्ही दिवसात झाडपडीच्या घटनांमध्ये कोणत्याही प्रकारची हानी झाली नसल्याचे अग्निशामक दलाच्यावतीने सांगण्यात आले..विविध ठिकाणी आगीच्या घटना, कोथरूडमध्ये शॉर्टसर्कीटसिंहगड रस्त्यावरील धायरी परिसरातील एका फर्निचरच्या कारखान्यात आग लागल्याची घटना गुरुवारी रात्री घडली. पुणे महानगरपालिका व पुणे महानगर क्षेत्र विकास प्राधिकरणाच्या (पीएमआरडीए ) अग्निशामक दलाच्या जवानांनी तत्काळ आग आटोक्यात आणली. आगीत फर्निचर साहित्य, लाकूड, दुचाकी जळून खाक झाली..दांडेकर पूल परिसरातील एका दुकानालाही गुरुवारी रात्री आग लागण्याची घटना घडली. सातारा रस्त्यावरील उत्सव हॉटेलच्या परिसरात विजेच्या रोहित्राला आग लागली होती. तर कोथरूड येथील सुतारदरा परिसरात घरामध्ये शॉर्टसर्किट झाल्याची घटना घडली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
