पुणे शहर व जिल्ह्यात मंगळवारी ६ हजार ११० नवे कोरोना रुग्ण | Sakal
sakal

बोलून बातमी शोधा

Corona patients
पुणे शहर व जिल्ह्यात मंगळवारी ६ हजार ११० नवे कोरोना रुग्ण

पुणे शहर व जिल्ह्यात मंगळवारी ६ हजार ११० नवे कोरोना रुग्ण

पुणे - पुणे जिल्ह्यातील एकूण सक्रिय (ॲक्टिव्ह) कोरोना रुग्णांची (Corona Patients) संख्या मंगळवारी (Tuesday) (ता. ११) ३२ हजार ६७२ झाली आहे. एकूण सक्रिय कोरोना रुग्णांपैकी १ हजार ५०४ रुग्णांवर विविध रुग्णालयांत उपचार (Treatment) सुरु असून उर्वरित ३१ हजार १६८ गृहविलगीकरणात आहेत. यामध्ये शहरातील १९ हजार ४५२ सक्रिय कोरोना रुग्णांचा समावेश आहे. मात्र सक्रिय रुग्ण वाढत असले तरी, उपचारासाठी रुग्णालयात दाखल होण्याचे प्रमाण तुलनेने कमी असल्याने पुणेकरांनी घाबरून जाऊ नये. परंतु प्रतिबंधात्मक उपाययोजनांची काटेकोरपणे अंमलबजावणी करणे आवश्‍यक असल्याचे मत आरोग्य विभागातील अधिकाऱ्यांनी व्यक्त केले आहे.

हेही वाचा: निवडणूका लांबणीवर; पुणे महापालिकेवर प्रशासक येण्याची शक्यता

शहर व जिल्ह्यात मंगळवारी दिवसभरात ६ हजार ११० नवे कोरोना रुग्ण आढळून आले आहेत. जिल्ह्यातील दिवसातील एकूण नवीन कोरोना रुग्णांत पुणे शहरातील ३ हजार ४५९ रुग्ण आहेत. दिवसात पिंपरी चिंचवडमध्ये १ हजार ७०६, जिल्हा परिषद कार्यक्षेत्रात ७११, नगरपालिका हद्दीत १२१, कॅंटोन्मेंट बोर्ड क्षेत्रात ११३ नवे रुग्ण सापडले आहेत. दरम्यान, पुणे शहरातील एका रुग्णाचा कोरोनाने मृत्यू झाला आहे.

याउलट, दिवसभरात १ हजार ६३८ जण कोरोनामुक्त झाले आहेत. दिवसातील एकूण कोरोनामुक्तात १ हजार १०४ रुग्णांचा समावेश आहे. पिंपरी चिंचवडमधील ३८७, जिल्हा परिषद कार्यक्षेत्रातील ९१, नगरपालिका हद्दीतील ३७ आणि कॅंटोन्मेंट बोर्ड क्षेत्रातील १९ जण आहेत.

Web Title: 6110 New Corona Patients Found In Pune City And District

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top